انا والاحلام .

السلام عليكم والرحمة الله وبركاته

الصراحة مدري شو سالفتي ويا الاحلام كل يوم لي حلم .. من فترة جي اسبوعين مدة ويايه
اول شي حلمت اني ملجت .. ثاني يوم ربيعتي تخبرني انها قريب بتملج ..
ثاني حلم .. انا كنت قايلة حق امي تزودني بكم خردة عسبت اشتريلي فون .. ونفس اليوم حلم ام ربيعتي عاطتني نفس المبلغ اللي ابغي .. >> واشتريت الفون
ثالث حلم البارحة .. اول شي نحن كنا معزومين بيت خالوة .. ووحدة من اهلنا تتوحم ^^ احم … عاد انا حلمت اني حامل وفي حالة ولادة وجيه واوتصل في ريلي اونه مسافر واصيح اقوله تعال وجيه وانه عمتي اخت ابويه بتولدني طبيعي في البيت ويا بنات عمتي الهنتين ..
مدري شو القصة ؟؟

والسموحة

هذا معناه انج وايد مهمومة وتفكرين!!
الله يفرجها عليج ياااارب

عسى يكون خير
يمكن انتي قبل ماتنامين تفكرين في هالاشياء علشان جذا تحلمين

تسلمون على المرور
لكني ما افكر بها الاشياء قبل لا ارقد .. ابدا ولا تطري على بالي

أنا سمعت أن إلا تحلم أنها حامل وتولد أنها مهمومه وعندها مشاكل والولادة يعني تفريج عن هذي المشاكل والهموم والله أعلم ..
بس عليج بالأذكار قبل النوم… المعوذات وسورة الكرسي ……إلخ.

حياتي مبين من الحلم انج جريب ان شاء الله بتتزوجين والله بيفرج همومج

الله العالم