انا وريلي والجفاف

مرحباً صار لين شهر متزوجه زوجي ما يمسكني حتى ونحن يالسين علا كرسي واحد نطالع التلفزيون انا انحرج كله أحظنه والا الوي عليه وهو ولا يتحرك مثل الصنم حتى ما يتفاعل معاي او يحرك ايده احس عمري مهما بادرت مافي فايده من يوم العرس ما سمعت مسج والا كلام من الخاطر بمسج دائم انا ارسل له مسجات شوق يوم يطلع والا من تعبيري اقول يمكن ياثر فيه ويرجع يطرش لكن مافي فايده لين نطلع انا ارز ويهي وايود ايده ولا عمره مسكني وتحركت ايده سحبت ايدي حتى مرات اون اقول عطني ايدك بردانه او ماروم امشي بسرعه بس عشان امسكه احس و
اقص علا عمري انه يباني لما انام انا ابادر احظنه. بعدين يحظن نئ مال خمس دقائق وخلاص ماعرف هل اقول له كاش فالويه انت ما تحب يوم الزق فيك والا اقول له مثلابي الله ه دور لي من النت والا فونك مسج والا شعر خاطري اسمع منك كلام حلو طرشه لي الحين هل ألطريقه هاي تنفع ساعدوني يقولون مها الريال مابادر لازم الحرمه تبادر لكن لين متى حتى فالبس لو البس لبس طر وحركات مايعلق وانا ماحب جي اتحطم اقول له شو رايك مثلا فلبسي احس بيبين اني مب وثاقه بعدين والا اقول له عنبه ولا عمرك تمدح شي لبسته كيف أتصرف منقهره أبا انفجر

الله يعينج

عليج بالاستغفار وقيام الليل
ولاتشكين لحد غير ربج

الغالية .. زوجك مجبور ياخذك ؟؟؟!!!!
وكيف كانت فترة الملكة بينكم !

الله يـفرج همك ويألف بين قلوبكم يارب

خليه علي راحته طنشي يمكن يحس ويقولج بروحه"لا تغطين عليه عشان ما يكره هالشي كل شي بالمعقول يمكن تربي علي الحياء ويباله وقت لين ما يفتح ويصر عادي

الله يعينج وايسر اموركم ………….

ما يخصه لا يوسوسون لج البنات .. ترا وايد رياييل ما يحبون اللزقه الا لحظات معينه عارفتنها انتي

ما يحبون حد يلمسهم وجي يتضايقون .. طبعا شي بنات جي بعد

انا مثلا ماحب حد يلمسني ابد ابد اتضايق حتى لو سلام او بس بيزخون ايدي .. احس اختنق مادري لول

هذا طبع لا اكثر انتي مالج علاقه فيه .. وهو ماله علاقه فيه لا يقصون عليج البنات ويقولون لج يحب غيرج الخ من كلام تافه

للاسف شبابنا وبناتنا عندهم نقص في الثقافة الزوجية وكيفيه التصرف مع بعض

مسكين يمكن ما يعرف يتصرف …. كفاية انه ايي ويقعد وياج … معناتها انه يبا يكون وياج

عطيه وقت حتى يتعود على وجودج في حياته

ريلي ما كان يعرف ينام حذالي ،،،، اوونه متعود ينام بروحه ع الارض XD …. بس بعدين تعود

يمكن اتيبيها له باسلوب ثاني من خلال الالعاب الزوجية … في منهم يكون فيها قسم صراحة أو قسم كلمات رومنسية

نحن نقرى عن الزواج والعلاقات في المنتديات والكتب وغيرها ….. بس هم لااااا …. فنحن لازم انعلمهم بدون ما يحسووون ^ـ^

الله يوفقكم