انتي شاطره ؟؟؟؟ استجواب الاعضااء في المطبخ نتمنى التفااعل من الجميع

نبدأ بالاسئله ،،

/ متى أول مره بديتي تطبخين؟

2/ ماهي اول طبخه في حياتك؟

3/ ماردة فعل اللي طبختو لهم وكلوا من أكلك لأول مره؟

4/ ماهو شعورك من خلال أول ردة فعل؟

5/ هل مازلتو تطبخون حتى الأن؟

6/ تحب المطبخ ولاّ لا ؟

7/ موقف طريف مر عليك أثناء الطبخ ؟

8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟

9/ احسن طبخه تحبينها وتنصحين بقية الاعضاء بتجبربتها؟

10/نصيحه منك للمبتدئين في المطبخ؟

ضعو لنا احد الطبخات اللي عملتوها لو السلطه " ان امكن ".

نبي تفاعلكم يا حلوووات

فرح الاحزان

/ متى أول مره بديتي تطبخين؟ تقريبا كان عمري 13 سنه

2/ ماهي اول طبخه في حياتك؟ والله انه كانت صالونة دجاج وعيش ( تخيلو )

3/ ماردة فعل اللي طبختو لهم وكلوا من أكلك لأول مره؟ استغربوا لان اول مره اطبخ وتطلع اوكيه
لان دوم كنت اساعد الوالده ربي يحفظهاا بالمطبخ من كان عمري 10 وكنت اشوفها جيف تطبخ

4/ ماهو شعورك من خلال أول ردة فعل؟ ابتسمت وقلت الحمدلله

5/ هل مازلتو تطبخون حتى الأن؟ نعم ليومج اطبخ واتفنن باللطبخ

6/ تحب المطبخ ولاّ لا ؟ غرامي المطبخ

7/ موقف طريف مر عليك أثناء الطبخ ؟ مره سهيت عن الدجاج وكان عمري 15 سنه وحرقت نصه
ع طول طلعته وسويت منه سلطه هههههه وطلعت دجاجه ثانيه وسويتهااا ومحد درى ليومج هذا ههه

8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟
يطبخ عني طبعاا لا .. ولكن لا باس بالمساعده هههه

9/ احسن طبخه تحبينها وتنصحين بقية الاعضاء بتجبربتها؟ جميع طبخاتي احبهاا
لاني اطبخ بنفس حلوه وما استعجل ابدا عليهااا

10/نصيحه منك للمبتدئين في المطبخ؟ لو حبيتو تطبخون بمزاج عالي وبنفس حلوه
صدقوني بتفننون بهاا

ضعو لنا احد الطبخات اللي عملتوها لو السلطه " ان امكن ".

جلو كباب

الكميه هذي لـ 30 الى 35 سيخ كباب

نبتدي باسم الله

نفرم بالاول 5 بصلات كبيره بالفرامه

ونفرم اللحم مع قليل من الشحم يستحسن فخذ والظهر استرالي
منزوع عنه الشحم وعدم رمي الشحم لاستخدامه وفرمه في ما بعد ع اللحم
عقب ما نفرم اللحم اول مره نفرم نص كميه الشحم فوقه
نصه ومب كله ( اطلبي من اللحام يفصل الفخذ من العظم والشحم )
وعدم رمي الشحم لانهج تبينه عشان تفرمين النص منه مع اللحم

نحط البصل المفروم في مصفاة ونضغط عليه حتى ينشف جيدا
ونسكب سائل البصل لان لا نحتاجه ولان اذا اضفناه على اللحم ما بيثبته على الاسياخ

نفرم اللحم مرة ثانيه حتى يصير شبه ناعم

نغسل الخضره المكونه من شدة بقدونس ونص شدة شبنت شده كزبره
ونستخدم النص منه وليس كلهم .. فقط لطعم الكباب

يتبع

ونخلطه جيدا هكذا

ونضيف ملعقه من بهارات مخلوطه وملعقه ونص ملح وملعقه صغيره جدا بكربونات الصودا ومانكثر من الكربونات فقط ملعقة صغيره

ونخلطهم جيدا هني انا تعبت من الخلط وخليت حماي يخلطهم ههههه

لاحظو بان الخلطه مخلوطه جيدا وناعمه وايد

ونجهز ماء حار حتى نغمس ايدينا فيه ونبتدي نسيخهم
ونضغط عليه مابين اصابعنا نفس الصوره
بس لازم المكان يكون بارد ومب حر والخلطه يستحسن نسويها و
نحطها بالثلاجه عشان تكون بارده .. والاسياخ ماتكون حاره او دافيه
المهم يكون المكان بارد ويوم نرسه بالصينيه نخليه جدام المكيف

ونشويهم ع الفحم ونسيخ طماط وبصل ( لزوم الاكله هههه )

ولازم يوم نحطه ع الفحم نحركه ع طول ونقلب فيه

عقب ماشويته وقدمته مع عيش زعفران

/ متى أول مره بديتي تطبخين؟

اوووووول مره .. كانت يوم كنت صف ثاني

2/ ماهي اول طبخه في حياتك؟

اكيييد كانت بيض مقلي ..<< هذا الي فالحه فيه ههه

3/ ماردة فعل اللي طبختو لهم وكلوا من أكلك لأول مره؟

طبعا محد اكل منها .. منو يبي ياكل اكله محروقه
هههه

4/ ماهو شعورك من خلال أول ردة فعل؟

تحطييييييييييم …

5/ هل مازلتو تطبخون حتى الأن؟

نعم ..

اكيد ما اثرت فيني رده الفعل >> لاني كنت صغيره

6/ تحب المطبخ ولاّ لا ؟

نعم .. احبه يوم اسوي شي حلو ينأكل

7/ موقف طريف مر عليك أثناء الطبخ ؟

امممم ..

مره اذكر يوم كنا صغااااااار صف جي اول او ثاني .. المهم
تيمعت كل الاسره في بيتنا ..
ورقدو عندنا .. وين بينام الشعب كله ؟؟
فشو سوو الاهل .. حطونا كللللنا اليهال في الصاله .. و طبعا نحن ماصدقنا
استااااانسنا .. فتحول اليل الى سهره جماعيه .. الي يلعب والي يناقر والي يسولف المهم
تعرفون عاد حشره اليهال ..

رحت انا و اخوي مسوين نفسنا مرشدين سياحيين ^^
قلنالهم يلا تعالو يوعانين بنسير المطبخخ ناكل ..خخخخ فنص الليل
فقامت خالتي ويانا .. كان عمرها جي 15 او 16 ..
قلنا بنسوي الاكل للجماعه بدون اي حس بس 4 يروحون
و الباقي يتريا ..
..
سرنا المطبخ نسوي الطلبيه مالتهم .. وشو طلبوا .. سلطه .. ههههه سلطه شو ..خس وليمون حاااامظه ><..
الله يذكر ذيج الايام .. ايام الليمون و الخس ههههه
وكانت عندنا خدامه اثيوبيه الله يذكرها بالخير.. عصبيييييه ..
..

وكان باب المطبخ من النوع الي ينقسم نصين .. الي ينفتح من فوق وتحت ..

وطبعا ممنوع نطلع برع الصاله .. امي وابوي قالولنا النوووم بدون اي حشره ..
بس شو نسوي كنا يهااال ..
المهم
سوينا خطه استراتيجيه عشان ما ننكشف << هه مخططه حربيه من وهي ياهل .. ما شاء الله
ان شو .. نصكر الباب الي تحت و نصكر الليت و نمشي بدون مايحس حد ..
<< ياسلاااام صكرتو الليت بعد .. اشك في طعم هاي السلطه
..
الي راحوا انا و اخوي و خالتي وولد خالتي الثانيه .. عاد هو كان عصقووول و حركي وااايد ماشاء الله عليه .. المهم

ونحن نطبخ و نسولف .. الى شوي نحس ان في حد ورانا بس ما جفناه ..
فجأه سمعنا صووت .. من بين الظلااام .. << ياسلاام روائيه الاخت مستويه .. لا ألفي كتاب بعد
يقول .. (( شووو يسويي انتا هينااااا )) ..

ونحن تروعنا من الزيييغه .. اليينيه …. شردااااااه
اخوي و ولد خالتي نقزو من فتحه الباب الي فوق بدون مايسألون ..هههه خيانه خلونا وراحوو ><

و انا انخشيت ورى الثلاجه .. اما خالتي الضحيه المسكينه ..
تراها طويله وين تنخش ووين تنقز مافيهااا ..
بعدين انفتح الليت قولوا منوا طلع الينييي ..

ههههه

خدامتنا الاثيوبيه .. قامت عاد تهزب ما خلتنا فحالنا
(( انتا شو كلوا سوي خربان مطبخ وانا مسكين في سوي تنظيف .. انا في خبر ماما .)). و من ها الكلاام

ههههه و اخر شي لا اكل للجماعه ولا هم يحزنون ..
و بعدين الصبح حصلت خالتي المسكينه .. كل جرعه الهزاب الي كان
مفروض نتقاسمها مع بعض .. هههه

وانا اقووول عسب جي ما جفناها ف الظلااام .. واخر شي الخطه الاستراتيجيه انقلبت علينا >< …
<< دخيلج لاتتخصصين في مجال التخطيط .. ما انصح …

وبس ..

8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟

لااااااااااا و الف لاااا .. هذيل من دخلوا المطبخ وطلعوا منه انقلب راس على عقب

9/ احسن طبخه تحبينها وتنصحين بقية الاعضاء بتجبربتها؟

محشيي ملفوف .. يمي .. و اندومي اسرع اكله ..
وسلطه خس وليمون لو تبوون هههههه

10/نصيحه منك للمبتدئين في المطبخ؟

اممم .. انتبهي من النااار << ههه نصيحه مال كيجي …

ضعو لنا احد الطبخات اللي عملتوها لو السلطه " ان امكن ".

.. واللله ما عندي … انا يديده بالمنتدى ..
….

مشكوووووره اختي على الموضوووع

/