اشحالكن خواتي عساكن بخير
انـــا كنت حامل وصابني نزيف وطاح البيبي في الشهر الرابع ….(الله يعوضني والحمدالله ع كل حااال)
وانا الحين بعدني ماكملت الاربعين وفيه وحده نصحتني اني اسير لحرمه تمسحني (مساحه او مراخه)
لان النزيف طول معاي في الشهر الثالث والرابع لدرجة ان صار عندي فقر دم وتعبت وااايد ومرات احس بآلام اسفل البطن …
وانا ماعرف شو الفرق بين الي تمسح وبين المراخه وهل الافضل اني اسير ؟؟؟
اتمنى تفيدوووني … وانا من بوووظبي وماعرف حد يمسح … الي تعرف حرمه زييينه او قد راحتلها من بوظبي ياليييت اتطرشلي رقمها ع الخاص
ويزاااكن الله خيير … دعواتكن لي بناات
ماعندي فكرة
حبيبتى داوم استغفري
وعلشان الحرمة سيري وشوفي في دكتوره في الشارجة اسمها فاطمة بالشوك تمسح وتعطي دواء بس رقمها امتسح من عندي
يارب البنات يفيدونج
الشارقه … صعبه لاني من بوظبي
حبيبتي الاحسن الوحدة عقب الاجهاض او الولادة اتييب حرمة تمسحها
لانه بالمساح ترفع الرحم وتعدله
ولازم ما تيلسين على الارض لازم اتحطين مخدة تحتج لازم تيلسين على شئ لين
وبخصوص الي تمسح والله ما اعرف حد في بوظبي
الله يسهل امورج ويرزقج من حيث لا تحتسبين
اذا بتين العين بدليج على وحده ماشاءالله عليها وااااااااااااااايد زينه
لاني مسحت عندها وقالت اللي اتطيح لازم تمسح والا بتبطي الين ماتحمل
والله يعوضج عوض خير
الله يعوووضج خير