اوصانى المذيع بالبكاء ثم تخلا عني !؟

اخواتى الكريمات :كنت مقدمة على بيت شعبى بحكم انى مطلقة وعندى عيال منذ سنتين ونظرا لإرتفاع الإيجارات .رجعت اتابع معاملتى فى البلدية وكل واحد يحولنى على الثانى لحد ما يأست ولازم كل شى بالواسطة طلعت ودموعى على خدى وحجتهم ان الطلبات زايدة …اشارت على احدى الاخوات الملتزمات بان اتكلم فى البث المباشر لعل وعسى اطلع بنتيجة ..وماقصرت عطتنى رقم المذيع المحترم وبعد تردد اتصلت به وخبرته عن مشكلتى وقالى بسيطة …بس بتصل فيج من الاذاعة مباشرة وتكلمى عن المشكلة وعطوووووووول بتحصلين نتيجة لانها صارت واااااااايد معااااى بس بشررررررط اباج تبكين على الهواء علشان الكل يتعاطف وياج وسبحان الله اتصل من الاذاعة بعد اسبوع وفعلا اخذتنى العبرة على حالى وبكيت … وبعد ::البرنامج اتصل يشكرنى ووعدنى خيروانتظرت اسبوع ’اسبوعين ,ثلاث ….واتصلت به قلت له يافلان تذكرنى قال نعم قلت له انا عطيتك رقم معاملتى شو سويت فى موضوعى قالى بنبرة حاادة شو تبينى اسوى انا ما يخصنى سيرى تابعيهم الى على خليتج تتكلمين على الهواء والله انا ما اقدر اجبر الناس….قلت الله اكبر علشان يجذب الناس يوصيهم بالبكااء ومن ثم يعطيهم ظهره …وين الصدق والأمانة وين النخوة والشهامة ونزلت دموعى حسرة على نفسى

الله يعينج حبيبتي

عليج بالدعاء اختي

وان شاء الله الله بيفرجها عليج

استوت لغيرج
حبيبتي الله يعينج
بس سيري شوفي قسم المشاكل وحده حاطه مشكله اكبر بوايد عن جيه
لا تصدقين انه في حد يسوي شي لله وفي الله في هاذا الزمن
الا قله قليله
وهاذول الي يطلعون ع الهواء انا مابقول كلهم بس شي منهم همهم الوحيد الشهره وانهم يدخلون قلوب الناس وهم ترى مش دافعين شي من جيوبهم
بس ماعرف ليش جيه
الله فوق بياخذ حقج منه وبيتحاسب ع كل كلمه قالها
وانتي ربي يوفقج ويسهل عليج وتحصلين بيت
الله المستعان

انشالله الله يفرجها عليج

الله يعينك ويفرجها عليك

الله يعينج ويفرجها عليج غناتي والله يفضح هالأشكال اللي همهم الشهرة لا غير

الله يفرج همج باذن الله … في ناس ما تحتاي غير لاشهرة وبس ما تعرف ان في يوم حساب وهو محاسب على كل كلمة قالها ترا هموم الناس مب لعبه بايده

على الاقل لو ما قدر يسويلج شئ جان رمسج بادب وتعاطف …

وكلي امرج لله