عسى الجميع بخير
اختكم من السعوديه وتابعت مواضيعكم بالقسم وحبيت مساعدتكم لبعض الله يجزاكم الجنه
وانا تعبت من التفكير وحابه اخذ برأي خواتي
انا تخرجت هالسنه بتخصص الله العالم ماابيه ولاطايقته بس بسبب معدلي ف السنه الاولى اضطريت ادخله بما انه افضل السيئين وللاسف دراستي كانت انتساب ويوم تخرجت عرفت شكثر الانتساب مامنه اي فايده وبعد فوق الانتساب معدلي جيد
لكن قدر الله وماشاء فعل قلت اطور من عمري واكمل ماستر لقيت كل شي موقف ضدي عندنا
الجامعات تقبل من جيد جدا ومافوق غير ان بعضها تطلب سنين خبره
فكرت ادرس بالامارات ماستر وقالوا لي التعليم العالي عندكم انهم وقفوا الماستر للانتساب على حظي الجميل هههه الشكوى لله
المهم المقدمه هذي كلها عشان اخذ شوركم خواتي انا قررت اعيد البكالريوس بطريقه صح انتظام ان شاءالله لاني والله احس بكتمه فظيعه من تخصصي الوالد الله يطول بعمره رضى اني اعيد بجامعة عجمان وبنفس الوقت اقول معقوله بعيد 4سنين من عمري يعني مابتخرج ان شاءالله الا وانا عمري 28 او اكثر احس راحت حياتي بس اللي هون علي انه ممكن اشتغل وادرس ان شاءالله بنفس الوقت بس شلون الوقت هل ممكن يتقسم؟
اسئلتي هي: وش فيه اقسام مطلوبه؟
انا فكرت ب علاقات عامه او اداره بس خوفي من الادارة الرياضيات والاحصاء وهالمواد العلميه لاني ميييح فيها بصراحه مع ان الاداره عندنا مطلوبه اكثر لكن محتاره ابي اراء اكثر
وبالنسبه للايلتس هل لاقدر الله ومانجحت فيه اقدر ادخل عادي الجامعه وعقب ارجع اختبره بوسط الدراسه او مستحيل ابدأ الا فيه ؟(لازم احط ببالي كل الاحتمالات)
والله ماتتصورون شكثر انا شايله هم ومأزمني الموضوع ابي اعيد لانه مو هذا طموحي وبنفس الوقت افكر بعمري احس محد كبري بالجامعه ولا بالسكن بكون اكبرهم يمكن مره مشتته شوروا علي تكفون شايفين فكرتي صح بدل ماستر يصير اخذ دبل ميجر؟
اعتذر ع الاطاله بس حابه كل وحده تحط نفسها مكاني عشان كذاشرحت الوضع كامل والله يجزى الجميع كل خير
انا خريجه من جامعه عجمان … الجماعه جيده … فيها تخصصات جميله بس نصيحه تختاري التخصص حسب ميولك…
اذا شاطره بالانجليزي والرياضيات دخلي اداره وكمبيوتر
اذا لا دوري تخصص ثاني .. تحبينه فيها تقريبا الجامعه كل التخصصات اتصور … بس الاداره تحتاج انجليزي حتى اكثر من كمبيوتر عشان الدراسه بالانجليزي كلها
حتى الدكاتره يتكلمون انجليزي في الحصه … الا اذا في احاديث جانبيه …
والرياضيات مال الاداره مب صعب … عادي الاحصاء من اسهل مايكون ورياضيات واحد ماي … مالت الادبي واقل بعد
بس يمكن مواد المحاسبه والماليه تحتاج تكوني ذكيه في حل مسائل الاداره ….
في اختي تخصصات حقوق اعلام تربيه … دوري شي يناسبك …
ام العمر عادي !!! بس اختي في جامعات في الامارات تقبلك ماجستير …غير جامعة الامارات ومايريدون خبره كبيره وحتى المعدل واطي عادي ….
بس خطواتك جيده العمر مب مهم المهم الدراسه
في ناس مايحصلون شغل يوم يتخرجون فعادي …
يوم قلت اني فكرت ادرس بالامارات قصدي كدوله مو جامعة الامارات انا اتصلت على التعليم العالي في دولة الامارات الحبيبه وقالوا لي مايصير اكمل ماجستير بسبب انهم الغوا الماجستير للي ماخذين بكالريوس بنظام الانتساب بكل الجامعات
اما بالنسبه للرياضيات الله وكيلك للحين اخربط بالضرب والقسمه ههههه
اذن بإذن الله علاقات عامه لكن هل تشوفين يااختي انه له مستقبل ؟ لأن سوق العمل بيننا وبينكم متقارب
في الثلث الاخير من الليل جعل ربي يعطيك لين يرضيك مشكووووره
هههه بس احب مواد الكمبيوتر
المهم علاقات عامه… يعتمد على الجو في السعوديه … هل الجو هناك يسمع للبنات في العمل بالعلاقات العامه… تحتاج هذه المهنه اسلوب في الكلام
وغيره.. يعني هي اداريه ..وحسب المكان ….
شوفي فرص العمل في السعوديه …. كيف واستخيري … بس اشوفه تخصص مميز
بالنسبه للتخصص دخلي شي فيه بزنس افضل لانه مطلوب ف كل مكان
حاليا ادرس ماليه في جامعة زايد دخلت هالتخصص ع راي أبويه انه حلو وله مستقبل
وبالنسبه للعمر حبيبتي الدراسه مالها عمر محدد انا اول مادخلت الجامعه من سنتين كنت فاونديشن كان عمري ١٨ سنه وشئ حريم كبار درست وياهم أعمارهن ف الثلاثين ربي يطول باعمارهن
أبدا ماحسيت انهم غير عنا ف شي ضحك وسوالف وتواصل وكل خير
حبيبتيmeemly الله يحييك ياقلبي ويبقيك
عطيتيني امل مااكون انا الماما بالجامعه هههه وصحيح كلام الوالد الله يحفظه لك التخصص ماشاءالله مره زين لكن انتي بسم الله عليك ماليه اللي لو دخلتها بتطلع عيني المواد العلميه مررررره ودي بالاداره بس متخوفه من المواد العلميه لا وبعد بالانجليزي ياحبيبي عز الله اخترعت علم جديد ههههه يارب يوفقك وتكونين ب اعلى المناصب يااختي