مرحبا خواتي اشحالكم ..
خواتي انا مقرره ان شاء الله نسافر انا وريلي النمسا .. *-*
و لقينا حجز البارحه على طيران الامارات تاريخ 1_8 والرده 14 _ 8 ..
وخطتنا هي
دبي – فيينا – باد هوف غاستن – زيلامسي – سالبيرج – فيينا – دبي
3 فينا
2 سالبيرج
4 باد هوف غاستن وضواحيها ..
4 زيلامسي و ضواحيها ..
1 يوم زياده في فينا عشان يوم بنرد ونسافر .. لن الطياره بترد الساعه 3 الظهر اظني
فاللي عندها افادة لمناطق ثانيه ممكن نزورها .. وتنصحنا فيها ياريت ما تبخل علي ..
اولا بخصوص الاجازة عندج و قت ممكن اتخلين 3 ايام لكل منطقة او بحسب المدة التي قررتيها فلاحظي كل يوم له صرف مبلغ من المال
ثانيا : بخصوص الفيزا بتأخذ منج ثلاثه ايام من بعد يوم التسليم و حطي تاريخ السفر بعد 5 ايام من تقديم الفورمة ما بيضر لأنه بيكون تاريخ بدء سريان الفيزا
و سويها عن طريق قنصلية المانيا بدبي او سفارتهم بأبوظبي ( الزوج يأخذ معه صورتان مكشوف الرأس )بدون غطرة ولا قحفية
لو كنت بدبي خبريني و بخبرج عن مكتب يخلص لك المعاملة كاملة و يأخذ 100 درهم (لا اعرف ان على الواحد او الاثنين ) المهم انا سويتها تقريبا بي 1200 درهم شامل الفيزا و التأمين الصحي للشخصين شامل رسوم المكتب ( عند نزولج من جسر المكتوم بإتجاه مركز برجمان بيي على يمينج بنك دبي الاسلامي قبله ادخلي يمين و على طول على ايدج اليسار تلقين محل كبير و كأنه سوبر ماركت و المحل تلقينه ملاصق فيه اسألي عن فلبينية اسمها ميشيل )
ثالثا : بخصوص طيران الامارات ممكن تلاقين حجز بتاريخ 29/7 الى النمسا ( الان كلمتهم الحقي قبل مايطير الموعد) اذا تبغين رقم السفريات خبريني و سأرسل لك رقمهم و هم في دبي (( طيران اورانوس / كلمي السيد أصف برسلج رقمه على الخاص و اذا تم خبريني بالخاص لأضف للك معلومة لتحصلين على ميزة صغيرة منهم خصم + بطاقة مرحبا لصالة دبي )
رابعا : اذا ما لقيتي على النمسا غيري البرنامج كالتالي : ايطاليا (فينيسيا يومين ) و من ثم تنتقلين بالقطار من هناك فالمسافة 3 ساعات و شوي الى فينا و من ثم تواصلين برنامجج فالسعر ما بيكون مختلف بالنسبة للطائرة عند الرجوع من ميونخ سيكون نفس سعر برنامج النمسا ميونخ دبي
خامسا :اذا حجزتي على الاماراتية ادخلي على موقعهم و تلقين مكتوب لديهم التسجيل في سكاي واردز ادخلي و سجلي فيه و ممكن تسجلين قبل ما تسيرين للحجز و ممكن بعد
بعد التسجيل بيعطونك رقم بطاقة اسكاي واردز و طبعا اتسجلينها باسم ريلج و بعد انتهاء التسجيل تلقين روابط التحكم فيه اضافة العائلة يضيف اسمج
– الفائدة : فيها مميزات و لكن انت كمبتدئة معم لك مميزات قليلة اهمها الان
حجز مقعد لك و لزوجك في المكان الذي تريدينه مثلا جنب النافذة فالناس يحجزون في المطار عند تسليمهم الكرت و لكن مع هذه البطاقة ممكن تحجزين من الان مثلا جنب النافذة .
حصلته في سفريات عالم العطلات والكل يسير ميونخ وبعدين يتجه اي منطقه يباها
والالمانيه فيزتها 3 ايام واطلبي شنغ حق كل اوروبا
الحين شو الخطوه الثانيه ؟؟
احس انت ما راح تستمتعين بجمال كل منطقه
لانج حاطه وايد مناطق 5 مناطق بالنسبه لاسبوعين ترى وايد
دبي – فيينا – باد هوف غاستن – زيلامسي – سالبيرج – ميونخ – دبي
انا انصحج مثلا
انج تسيرين 4 ايام فيينا
3 ايام زيلامسي
3 ايام سالزبروغ
4 ايام ميونخ
والاكتفيتي الل ياهناك مجرد التلفريك والبحيره فقط تراها بلده ريفيه مافيها شي مجرد طبيعه فا بس ايسدها يومين فقط لا اكثر وحتى يومين وايد عليها مافيها شي اذا كنتي من النوع اتحبين الطبيعه و
مايهمج شي ثاني اوكي .. بس سالزبورق حلوه وبتستانسين فيها اكثر من زيلامسي فا انصحج بما انهن
المناطق كلهن في النمساء خلي فينا وسالزبورق الهن نصيب الاسد بمعني
4 فينا
3 سالزبورق
4 باد هوف غاستن وضواحيها ..
2 زيلامسي و ضواحيها .. " احلى في الشتاء بما انها منطقه ريفيه كما ذكرت "
وبالنسبه للفيزا فاماقصرت اختنا الاترجه كفت ووفت .. والسموحه عالقصور