~ بسكويييييت الرضاعه الطبيعيه ! ~ >> وصفه بالداخل !

السلام عليكم خواتيه ,,

حبيت اليوم افيدكم بطريقه قريتها لزيادة ادرار الحليب عند الأم المرضع ,,

و باذن واحد أحد ناويه اسويها يوم اربي ,,

عشان اتأكد من النتيجه بنفسي ,,

قريت في موقع أجنبي امهات يتداولن طريقه كوكييز ويحلفن ابها انها اتزيد من كمية الحليب ,,

و قلت احط الطريقه و الصور هني عل و عسى أفيد حد

بسم الله نبدا بالوصفه ,,

المقادير:

1 و نص كوب طحين ( Whole Wheat) طحين مع النخاله

1 و 4/3 كوب كويكر ( مب الفوري اللي يجهز في دقيقتين ) لازم العادي .

1 م.ص بيكنج باودر

1 م.ص ملح

4/3 كوب زبدة الفول السوداني

2/1 كوب زبده

1 كوب بذور الكتان ( مطحونه )

3 م.ك Brewers Yeastبودره ( بشرح تحت بالصور )

3/1 كوب ماء

1 م.ص جرفه بودره

2/1 كوب سكر

2/1 كوب سكر بني

2 م.ص فانيليا سائل

2 بيض

2 كوب جوكلت رقائق الشوكولا Chocolate chip

1 كوب من اي نوع مكسرات انتي تفضلينها

——————————————–

الطريقه:

نحط الطحين، والبيكنج بودر والقرفة والملح في وعاء.
في صحن كبير، نخلط زبدة الفول السوداني، الزبدة والسكر والسكر البني والفانيليا والخميرة والكتان والماء حتى يتجانس.
نضيف البيض.
نبدا نحطه تدريجيا في خليط الدقيق.
نضيف المكسرات ورقائق الشوكولاته.
إو اخيرا نحط الشوفان ببطء، مع التحريك المستمر.
كوري العجين على ورقة خبز مدهون
اضغطي لأسفل كل الكرة بخفة بالشوكه.
خبزيهن لمدة 12 دقيقة.

الBrewers Yeast للي بتسأل ,, هاي صورته و هذا شي اساسي فالخلطه ,, هو و بذور الكتان ,,

هاي الحبوب ,, لا انتي تحتاجين البودره ! موجوده فالمحلات اللي تبيع البروتين و الفيتامينات و الصيدليات الكبار ,, أهم شي يكون بودره ! نفس العلبه بس بودره ,,

و هاي بذور الكتان المطحونه ,, و اسمهن Flax seed

خواتي الكميه هاي تسوي وايد ,,

اللي هن يقترحنه انج تخلطين العجينه و تكورينها و بعدين تثلجينها ,,

و اطلعين منها الكميه اللي تبينها و تخبزينها ,,

و المفروض انج تاكلين حبه الى حبتين يوميا ( مب أكثر ) عشان تشوفين نتيجه

اللي مجربه هاي الوصفه او بتجربها ياريت تخبرنا بالنتايج

تحياتي لكم