بإذن الله في شهر رجب سايرة العمرة لاول مرة في حياتي وماعرف شي طبعا عن مناسك العمرة
قريت فالنت وايد بس احس اني لخبطت فياريت اللي اعتمرن قبل يفيدوني كيف اعتمر بالتفصيل؟ يعني من قبل لاركب الطيارة الين طواف الوداع؟
وبعد ابي اعرف كيف ارتب شنطتي يعني شو لازم أخذ معاي ؟؟
انشاالله بنقعد 3 ايام
و عادي اخذ شنطة صغيرة فالحرم؟ وشو احط فيها؟
وبالنسبة للحجز شو احسن مكتب في العين واسعاره حلوة؟
والفندق يمدحون ابراج زمزم بس انا اجوف برج ساعة مكة احلي ؟؟ولا انتو شورايكم؟
ابي فندق داخل الحرم لاني حامل فالثالث وابي الحق عصلوات الجماعة
ادري سألت وايد لاتلوموني اول مرة ومو ضروري تجاوبون عكل الأسئلة
اللي تعرف اي معلومة بسيطة تقولي لانها بتفيدني وايد
واللي ماتعرف ترفعلي الموضوع وربي يوفقها
وان شاء الله البنات يفيدونج
وعمره مقبوله بإذن الله
شووفي حبيبتي فندق ابراج زمزم يمكن تتعبين منه
لانه تنزلين فمصعد وتردين تدخلين مصعد ثاني
بس حلو
في مع ابراج زمزم فندق الصفا على ما ظن
يمدحونه
عندج بعد دار التوحيد وأبراج مكه
هالفنادق كلها قريبه من الحرم
المهم
شلي لج كنادير ساده ساتره مافيها فصوص وماشابه
خفاااف يعني
٤ يكفنج
والاحرام البسي اي شي من كناديرج
وتكون ساده بعد احسن
وعباه مسكره عشان ترتاحين
وقت العمره ماتحطين شي على ويهج
مثل نقاب اوو غشوه
يعني لازم ماشي يلامس الخشم
واذا تسألين اهل الخبره احسن واضمن
الشنطه لي تبين تشلينها الحرم لازم ماتحطين فيها تلفونج
لانهم يشلونه
حطي سيادتج ومسباحج والقرآن لي بتقرين منه
واذا التلفون للحاجه حطيه فمخباج
واهم شي نعال مريح وما يكون غالي
يوم بتروحين الحرم وبتدخلين
حطي نعالج ونعول لي معاج في كيس
او مكان تعرفوونه
او في صناديق الأمانات برع
وانشالله أني افدتج ب شي بسيط
المشاركة الأصلية كتبت بواسطة دلوعتي وبس 
بإذن الله في شهر رجب سايرة العمرة لاول مرة في حياتي وماعرف شي طبعا عن مناسك العمرة
قريت فالنت وايد بس احس اني لخبطت فياريت اللي اعتمرن قبل يفيدوني كيف اعتمر بالتفصيل؟ يعني من قبل لاركب الطيارة الين طواف الوداع؟
تروحين و تردين بالسلامه .. اشتريلج كتيب مناسك العمره و بتلقين كل شي فيه و يكون هو الأصح 100% اذا انج متلخبطه
وبعد ابي اعرف كيف ارتب شنطتي يعني شو لازم أخذ معاي ؟؟
انشاالله بنقعد 3 ايام
خذيلج جلابيات خفاف و نص كم أحسن لانه الحين حر ، و نصيحه خذي ست قطع !! لانج كل يوم بتبدلين مرتين اذا مفكره انتي تسيرين صوب المطاعم ، لان اذا لصقت فيج ريحه المطعم :$ مستحيل تختفي .. و العبي انا كان خاطري كل يوم اعق عباتي و البس يديدة بس كنت شاله بس هنتين .. خذيلج 3 عبي احسن لان نفس ما قتلج ريحه المطاعم تعور الراس و تجزين تردين تلبسين العباه و تروحين تصلين بها
و عادي اخذ شنطة صغيرة فالحرم؟ وشو احط فيها؟
هي عادي .. اللي في خاطرج ^^ بس اتحملي عليها عن تنشل !!
وبالنسبة للحجز شو احسن مكتب في العين واسعاره حلوة؟
مادري لفي ع المكاتب بس قبل شوفي اسعار الفنادق في booking عن يقصون عليج
والفندق يمدحون ابراج زمزم بس انا اجوف برج ساعة مكة احلي ؟؟ولا انتو شورايكم؟
و انا امدحلج رويال دار الايمان
ابي فندق داخل الحرم لاني حامل فالثالث وابي الحق عصلوات الجماعة
تقريبا معظم الفنادق قراب ع الحرم (( دار الايمان و زمزم و التوحيد و موفنبيك و رافلز )) طبعا التووب احلى شي شي و أيدد شي رافلز + موفنبيك بس غاليات شوي
ادري سألت وايد لاتلوموني اول مرة ومو ضروري تجاوبون عكل الأسئلة
اللي تعرف اي معلومة بسيطة تقولي لانها بتفيدني وايد
واللي ماتعرف ترفعلي الموضوع وربي يوفقها
دامنج حامل .. حاولي ماتعبين عمرج و ريحي عمرج و وقت ماتحسين انج تبين تيلسين و تعبتي ايلسي ولا تترددين .. و في السعي >> لا تضغطين ع نفسج و ان تعبتي كملي المناسك ع كرسي
و لا تنسين الخف او دلاغ غليييييظ مال البرد .. لانج بتتعبين وايد اذا مشيتي حافيه او بدلاغ خفيف
عمرة مقبولة ^_^