بطاقة إئتمان بنك دبي الاسلامي

اتمنى احصل رد لهذا الموضوع , لانه موضوع بطاقات الائتمان ابدا ما فكرت فيها , بس صارت ظروف مادية , خلتني افكر فيها , وانا بصراحة متخوفة وايد من الفكرة , واخاف يكون لها تأثير سلبي على راتبي , وآخر شي اتم على الحديدة أو ديون علي
اتصلت في بنك دبي الاسلامي وسألت عن بطاقات الائتمان الي عندهم , وقالوا لي انه فيها مبلغ معين , وكل ما اشتريت شي , لازم ارد في البطاقة 5% من قيمة المشتريات الي خذيتها , وبس ياخذون رسوم 300 درهم في الشهر على البطاقة لاغير
واذا تأخرت عن رد ال 5% في البطاقة بيوقفون البطاقة لين ما ارد ال 5% …..
شفت الكلام ما فيه اي ضرر , واعتقد اني اقدر اغطي ال 5% , بس حبيت اعرف اذا في حد جرب قبل , يمكن في أشياء لازم اعرفها قبل لا أخطي هالخطوة

وشكرا

انا اتعامل مع بنك ثاني
بس بطاقة الائتمان اذا قصدج فيزا وماستر
لازم اذا استخدمتي مثلا مبلغ 5 الاف ترجعينهن قبل 20 يوم من استخدامج له
يعني نفرض 15 الشهر استخدمتي من البطاقة لازم قبل5 الشهر يكونن في حساب البطاقة حتى لو تحولين من الانصاري عليها
واذا تاخرتي يحسبون لج فوائد عالمبلغ يعني 5 الاف +فائدة متحددة من قبل ،
وممكن يقسطون المبلغ لمدة معينة بعد بفوائد اخر…….يعني حسبي كم الفوائد اللي ياخذونها
يعني شغلانه ولازم تكونين مركز متى سحبتي بالضبط
انا لمن سئلت البنك عن الناس المتاذين على سب البطايق
قااااااااااالوا وبكل وقاحة الناس ما تعرف تستخدم البطاقة وما تعرف تتعامل معها
ولكل شي اصول معينه
فالافضل من وجهه نظري ما تعتمدين عليها

بس سوال 5% تردين
ما اعتقد تاكدي
لان اذا طاف الموعد المحدد ترجعين المبلغ مع 5%منه
مثلا لو اخذتي 10000 يكون مع التاخير 500 درهم(5%) +300 البطاقة +10000اللي خذتيها

للرفع

شكرا على الردود الطيبة الي افادتني بشكل كبير