اليوم يايبتلكم بطيخ مثلج
كنت ابيه مثل الايس كريم بس ما ضبط وبقولكم ليش
بس هذا مو معناه ان الطعم مب حاو بالعكس بارد ومنعش
عموما نروح للمقادير
بطيخ
نص كوب سكر
نص كوب ماء
عصير ليمونه
الطريقه
نضع البطيخ بخلاط العصير مع عصير الليمون ونخلطه
بيطلع الكمية تقريبا كوبين ، وكل ما كان اكثر يكون احسن بيطلع القوام احلى
نضع السكر والماء على النار حتي يذوب السكر
نخلط خليط السكر مع عصير البطيخ
يــــتــــبـــع
نضع الخليط بعلبة بلاستيك ثم نضعه بالفريزر
وهنا شكله بعد ما جمد
طبعا بعد ما يجمد تقومين وتكسرين عدل وتردين تضربينه بالخلاط
هذي الخطوة تكررينها اكثر من مره اذا تبين يطلع حلو نفس هذي الصورة جبتها من النت لنفس الوصفه
بس انا للاسف استعجلت عليه وضربته بس مره وحده لاني سويته فبيت اهلي وما بغيت اطلع الا لما اكل منه
فيوم طلعت ما طلع كورة كامله مرتبه
وهذي النتيجة .. كسرته ناعم علشان يطلع شكله احلى خخخخخ لان الكورة تكسرت
والطعم لذيذ وبارد ومنعش
انا اموت فالبطيخ حتى عصير البطيخ لكن مثلج مممم
منعش بس انا استاني تعورني جي
منعش بس انا استاني تعورني جي
في ناس يحبونه
تسلم الايادي
والله طريقه نايس وايد حلوه
بس هذا مب بطيخ
هذا جح بالعربي
واحنا نسميه يح
البطيخ يكون لونه اصفر
يعطيج الف عافيه موضووع رائع
بس هذا مب بطيخ
هذا جح بالعربي
واحنا نسميه يح
البطيخ يكون لونه اصفر
يعطيج الف عافيه موضووع رائع
المشاركة الأصلية كتبت بواسطة كيمي 2 
والله طريقه نايس وايد حلوه
بس هذا مب بطيخ
هذا جح بالعربي
واحنا نسميه يح
البطيخ يكون لونه اصفر
يعطيج الف عافيه موضووع رائع
بس هذا مب بطيخ
هذا جح بالعربي
واحنا نسميه يح
البطيخ يكون لونه اصفر
يعطيج الف عافيه موضووع رائع
نحن بعد نسميه يح مب بطيخ
اما الاصفر نسميه شمام
بس بغيت اتفلسف واكتب الاسم بلغة عربيه فصحى لاني ناشرة الموضوع باكثر من منتدى خخخخخخخ
رووووووووووعه
تسلمين خيتو و ان شاءالله نجربها
تسلمين خيتو و ان شاءالله نجربها
تسلمين لي يالغلا