بغيت الفزعة بمعلومات عن الزنجبيل والقرفة

يابنات بليز ساعدوني…محتاجة مساعدتكن
انا قريت عن منقوع الزنجبيل والقرفة… انج تنقعين شرايح من الزنجبيل واعواد القرفة في الماي ..والي تنقعينه من الصبح تشربينه بعد الغدا والي بتنقعينه بعد الغدا تشربينه بعد العشا والي يتنقع بعد العشا تشربينه بعد الريوق…بس الي ماعرفته مقدار شرايح الزنجبيل..زيعني في غرشة صغيرة 300 مل انقع شرايح لزنجبيلة كاملة؟؟حجمها كبير واو متوسط؟؟؟وكم عود قرفة؟؟؟ابا الخلطة بطريقة مضبوطة دخيلكم ..وسؤال ثاني فديتكن…
هل هالخلطة لها اثار سلبية عالمعدة؟؟؟؟

للرفع

ولا حد رد علي ولا جبر بخاطري غير wideeyes
مشكورة عالرفع..عالاقل عبرتيني

الغاليه سوي اي كميه احس مايفرق يعني كل ماكثرتي كان اووكي بس مش تكثرين لين ماتمزرين الغرشه هذا اعتقادي بس انا ماجربت وبجرب ان شالله

مشكورة lona81 عالرد….
وهذي فزعتي فيكن يابنات المنتدى؟؟؟؟
ماقصرتن عالتطنيش
عالاقل ارفعن الموضوع

سويت سيرج وهذا اللي طلع لي من مدونة ثانيه ان شالله يفيدج
___________________________________

كيفكم؟؟
انا بصراحه جلست ادور في المنتديات الثانيه ولقيت موضوع مره عجبني وادهشني في نفس الوقت وحبيت انقله لكم عشان تستفيدوون ولا تحرموننا من دعواتكم

بناااااااات بشاااااااره مادري قديمه والا يديده بس اليديد فيهااااااااااا آناااااا

جربتها جربتها صار لي 3 ايااااااااااام

والنتيجه وااااااااااااو احس ضعفت ضعفت صج اني ما آكل بس اللي ساعدني شي مهم

سمعت وايد عن الزنجبيل والقرفه كنت اشرب زنجبيل وكمون ونعناع وهم زنجبيل بروحه كلهم ممتازين بس مليت منهم تركتهم وعيبنا مانستمررررر

بس ابتكرت طريقه جهنميه اشتري كرتون مياه معدنيه الحجم الصغير آخذ 3 منهم

اقصص شرائح زنجبيل واييب اعواد القرفه ( الدارسين ) وانقعها بقارورة الماء الصغيره

واشرب كل وقت منهم كل ساعتين اشرب ولي خلص اضيف عليهم ماي

واليوم الثاني اتخلص منهم واجدد الطريقه على المياه المعدنيه اللي عندي

والنتيييييييجه روعه رووووووووووعه روعه

وحتى اللي ماتسوي رجيم شربي منها قبل الاكل وبعد الاكل

وعلى الدهون السلاااااااااام

وادعوااااااااااااا لي امااااااااااانه عفيه بنات ادعوا لي اضعف لاني ما غبيت عليكم البشاره

كثر ما اقول رهيبه ما اخلص

منقووووووووووووووول
_______________________________

بس كم مدة النقع ويكون جوا الثلاجه او لا

وكم كمية الماء والزنجبيل والقرفة

واحطهم بقارورة الماء او قارورة ثانيه

وشاكرة لك

نقعيه قبل بيوم بقاروره صغيره ماء ( بنفس القاروره ) قطعي الزنجبيل مكعبات وحطي شوي وحطي معاه قرفه اعواد يمكن 3 حبات
وخليه برا لأن الحين الجو بارد

__________________________

وهذي تجربة وحده استخدمته
سلام عليكم ورحمة الله..

بناء على طلب الاخت[نود] ..

حبيت اكتب لكم تجربتي مع الزنجبيل و القرفه..

يـوم من الايام كنت اصفح المنتديات لفت نظري موضوع ع الزنجبيل و قرفه..

فحبييت اجربه ,طبعا مع تخفيف الاكـل ف الفطور و العشاء..
—————————————
الفطوور:اكـل عاادي بس طبعـا خفيف..

الغداء:العن خيييره و وراه عصير زنجبيل والقرفه..

العشاء:سلطه +بيضتين+شووربه+واحيانا اخورط ف العشاء+ عصير زنجبييل و القرفه..

طبعا لمدة شهر مجربتنه..

النتيجه:اني ضعفت لدرجه كبييره جدا و الكل لاحظ فيني..

وبشرتي صارت حلووه بييضه صرت خفيـفه اتحـرك والعب مع اعيـاالي..

وحتى زوجي لاحظ فيني..احم احم..

والحيين اواصل شرب الزنجبيل و القرفه..

وهذه تجربتي ..

وانـ شا الله تفييــدكم..

قلمي الخاص..

مرفاويه..
بالنسبة لطريقتي هي
اجيب قطعةزنجبيل قد سبابة اليد
وملعقة قرفه
واجيب الخلاط واحط ماء بارد ثم الزنجبيل والقرفة واخلطهم عدل
ثم اشخله في الكاس واشربه ووراه ماء بارد على طول
___________________

وكله منقوووووووووووووول اتمنا افدتج حبيبتي وانا بستخدم طريقة الاخت الاخيره

مشكوووووووووووووة الغالية…والله انج ماقصرتي وتكفيني فزعتج