بنااات بوظبي النجده ختكم صارتلها سالفه تقهر موت وتبا مساعده عاجله

آآآآآآآآآآآآه يابنات بموت قهر بوممممممممموت ببنبط من القهر
دخيلكن الشيمه تساعدني ما عرف شو اسوي

سالفتي الله يسلمكن شفت وحده قريبتي في الصيف البنت توها عروس والله على لبسها لا بسه مغربي حركاته حلوه وغريبه وفيه قصات وفي نفس الوقت هادي وناعم شي حلو وعجبني موووووووووت جان اخذ رقم الحرمه الي فصلت عندها مغربياتها

قبل رمضان بشهر سويت حقها تيلفون يتني البيت وانا جهزت خمس قطع عشان افصلهن عندها يوم يتني اخترت موديلات ناعمه وحلوه حق العيد وبلطتلي البحر وقالتلي قبل رمضان بسبوع بخلص ثيابج وفصلتهن شي بخمسيه وشي بستميه وكنت مستانسه بموديلاتي وطايره فيهن
وبعد معايه حرمت اخو ريلي مفصله عندها

المهم من بدايه رمضان ونحن اندقلها عشان تيب ثيابنا ولوعت جبودنا مره اليوم ومره باجر بيكن وعلى جذبها لين يوم الجمعه هذا الي طاف انا ما كنت موجوده في البيت سرت بيت اهلي فالعين وعطيت عديلتيه الفاتوره والفلوس
ويت الحبيبه اخيراً ويابت اربع من ثيابي ولا قالت حق عديلتيه ان الخامسه بعدها وخذت المبلغ كامل على الثياب كلهن

لكن شو ثياب (زباله) المديلات الي اخترتهن في وادي والكشره الي يابتها حرام ما تسوا ميه درهم

عقب مارديت من عند اهلي يت اطير عند عديلتيه (حرمت اخو ريلي) وجان تعطيني كيسي ويالها من صدمه ما صدقت بموووووووووت قهر هذيلا فضيحه ينلبسن والله والله الشاهد على كلامي زبااااااااااااله فضيحه وانا ما خيطت للعيد ختيه مخيطتلي اربع كنادير وانا حاطه كنادير في بوظبي بس بيخلصن عقب العيد

والحين ما عندي اللبسه للعيد ماشي كنت حاطه املي في هالمغربيات الحين ما عرف شو اسوي مصدووووووووووووووووومه ميته قهر

عديلتيه كلمتها على اساس تيب كندورتيه الباقيه وهيه بعد باقيتلها كندوره وانا ساكته ما قلت شي بس خلنها تي والله لا راويها شغلها عدل تتحراني سهله

بس الحين دخيلكن الشيمه يابنات بوظبي خبرني وين اروح اشتري ثياب للعيد جاهزه والله ما اعرف شو اسوي وياليت ما تبطن عليه والله لا ادعيلكن من كل قلبي بالعتق من النار الي بتساعدني

وشكراً

اشتري جاهز حبوبه سيري المارينا الي عندكم يقولون في محلات وايد حلوه اصلا ما باقي شي على العيد

سيري المانجو خديلج بدله وشي عندهم فستان بسيط

هاي الحرمه لاتسكتين عنها..,,

وان شالله البنات يفيدونج بخصوص المحلات ..

بنكي وسيده طموحه وبنت دبي الله يجزيكن كل خير ان شاء والله ويعتق رقابكن من النار يااااااااااااارب العالمين وانا فكرت في البدلات وان شاء الله باخذلي بدله او بدلتين بس بعد ابا مغاربي يكون اسعارها معقوله وحلوه

الله يعينج

سيري المعرض في ارض المعارض

والا محلات المغربي الجاهز

انصحج المغربي الجاهز على عيييينج احسن

سلاااامي

الوتر الحزين و أم خالد الله يجزاكن كل خير خواتي والله يعتق رقابكن من النار يارب العالمين ان شاء الله اني بسير اخذ مغاربي بس اريد اسامي محلات