بنات ابوظبي الفزعة — كوي عنق الرحم

السلام عليكم اخواتي …

عندي قرحة في عنق الرحم شديدة جدا ما فادها الادوية الطبيبة قالت لازم عملية كوي وانا خايفة جدا
مين جربتها ؟ وعند مين تنصحوني اعملها ؟؟؟ وهل تؤثر على الانجاب؟؟
الله يخليكم طمنوني

قبل لا تسوينها روحي عند كذا دكتورة .،

شوفي دكتورة نادية او دكتورة عفاف في مركذ هيلث بلس

مشكلة الدكتورة عفاف المواعيد اااااااااااااااخ منها بتستني ست ساعات لتشوفك دقيقتين والله اشي بقهر بضيع نهارك

حبيبتي لاتخافين
حرمة اخويه واختي سوون الكوي عند الدكتوره رجاء في مركز ابن النفيس الطبي
في خلال 5 دقايق خلصت فالعياده عندها تسويه لج
لا يحتاج عمليه ولا شي !!!!!!
تكوي القرحه وكان الله غفورا رحيما
توكلي على الله وسويها مب زينه القرحه تتركينها بدون علاج اذا مانفعت معاج الادويه الافضل تسوين كوي
روحي لها الصبح هي اداوم 10 ونص انتي خلج فالعياده من 9 او 9 ونص ومابتطولين وبتدخلين عندها
والسموحه منج

لا تخافين انا ربيعتيه سوتا فالعين (كوي بالتبريد) يمكن دقيقتين اعتقد قالتلي ولا حست بها وكانت من 3 سنين متزوجه ولا حملت ومن سوت الكوي بالتبريد حملت في نفس الشهر والحمد لله…توكلي على الله وسوي لانج لو خليتي القرحة يمكن تطور وتسببلج مرض ثاني اصعب منها لا سمح الله
الامور طيبة لا تخافين

أنا مثل حالتج مانفع معاي الدوا وسويت كوي.
والله شي سهل ماياخذ اكثر عن خمس دقايق ومافي الم ولا شي.
القرحه تقتل الحيوانات المنويه وتمنع الحمل لاتهملينها.
اسمحيلي ماعرف عيادات بوظبي.

اتوكلي على الله وماعليج الا العافيه

عزيزاتي ربي يطمن بالكم وتسلموووو جميعا على المعلومات والتشجيع .. ان شاء الله يسويها قريبا ادعولي