بنات الخبره ف الحجز عن طريق البوكينج او عرب لينك

السلام عليكم ورحمه الله وبركاته

مرحبا خواتي اشحالكم

بنات انا سمعت انه اللي يحجز عن طريق البوكينج ارخص

بس انا جيكت ف الموقع لقيت فندق المنزل اللي ف دبي ب 875د ويا ضريبه المدينه و الغرفه 20%
(غير مشمول في سعر الغرفة: 10 % ضريبة المدينة , 10 %)

و اتصلت الهم قالوا ب 1030د
يعني لو حسبنا ف الموقع ويا الضريبه بيطلع نفس السعر

و توني اشيك ع الموقع طلع السعر غير عن امس
احين سعر الغرفه 775د

فياليت تساعدوني لاني ابا احجز ع العيد و مب عارفه
اول مره احجز ع النت

فديتكم بنات لا تردوني^^

السلام عليكم… اختي انا دايما احجز عن طريق البوكينج …..هو السعر مب ارخص …يعني تقريبا نفس اسعار الفنادق …و الاسعار تتفاوت و تتغير ….. ساعات تكون فيه عروض خاصة ع الوقع ….و عن السعر مع الضرايب بيكون 1050 درهم يعني20 درهم فرق عن سعرالفندق …. من وجهة نظري احس الحجز من النت وايد اسهل من اماكن ثانية …. يعني اختاري نوع الغرفة و التاريخ ودخلي البيانات و اطبعي الورقة و خذيها وياج ……………………..ان شاء الله تكونين استفدتي …..

مشكورة اختيه
يزاج الله خير

بس شو اللي 1050
فندق المنزل؟

هيه الغالية …..فندق المنزل الي قلتي ب875 مع الضرايب ….بس جيكي وياهم بعد….و توكلي على الله …هاالفندق حلو و راقي و نظيف …و جريب من دبي مول

اختي احجزي عن طريق البوكينج انا من يومين رجعت من ابوظبي وكنت حاجزه بالشيراتون عن طريق البوكينج والاسعار ارخص من سعر الفندق وبالنسبه لتغير الاسعار هم كل شوي يغيرون السعر مثل الطيران الاقتصادي كل شوي يغيرون السعر انا بعد ماحجزت بالشيراتون نزل 50درهم سعر الليله

وين احسن موقع للحجز ؟؟؟؟؟؟؟؟؟؟
عرب لينك ولا بوكينج ولا اسياترافل ؟؟؟؟؟؟؟؟؟؟؟

حبيبيتي
انا عن تجربة..
عرب لينك دايما يقدمون ارخص سعر وعندي موقعهم وفيه الاسعار لو تبينه خبريني
انا العيد اللي طاف حجزت عندهم بالكراون بلازا بالفيستفال وكان كل شي اوكيه ولا تلعوزت ولا شي
واليوم حجزت بالرافلز وعطوني سعر حلو
خذيت ال inc suit
ب 1650 درهم ومع الفطور
وتصدقين لقيتها
بالبوكينق ب 1900 غير الضرايب وبموقع الفندق نفس سعر البوكينق 1900 ومن غير الضرايب

يعني عرب لينك الارخص دايما
وانا عني ما قدرت اسير مكتبهم وادفع
فعطوني رقم التحويل وحولت لهم المبلغ..وعقبها عطوني رقم الحجز
وخلاص ^_^

ادعوا لي الله يوفقني ويهنيني فهالعيد