شحــــــــالكم حبايبي !!
اعتبروها مجرد فضفضة او طرح موضوع لوول
على العموم حبايبي انا يوم اشووف مواضيعكم وسوالفكم على ريل وجي احس بفرق شاسع
بين رياييل بنات العائلة !!
انا في حياتي ماشفت اختي مع ريلها اوووكي كله ضراابة !!
وريلها مايهتم فيها وايد مع انه طيب بس ماعرف كيف جي يستوي حتا ما ايلس عدها في البيت
مع انه ماظنتي اختي مقصرة في شي وهذا اللي اشووفه انا ؟؟؟
واختي رفضت خطاطيب وايد قبله اصلا اختي حلوة مشاءالله والكل يتمناها بس واخلاقها زينة
ليش جي ماعرف ؟؟
وهااي اختي
اما بنت خالي !!
بروحها قصة ثانية حتا يوم تولد ريلها ما ايي صوبها ابد ولا ايلس في البيت ويسافر مع ربعه
واحس انه متزوج بنت من غير هالامارة بعد ؟؟
واخر مرة متضاربين وكانو بيطلقون حتا هي رادة بيت اهلها
عنبو ولامرة يظهرها من البيت يحوطها ولاشي مع انه حالته المادية وايد زيييييييينة
ومسكنها في بيت خرابة ؟؟
ياما وياما وخالي رمسه بس ماشي فايدة ؟؟
اما حرمة عمي ريلها شوية اهون من الباجيين بس مشكلته مشغول دووم وكله في الغرفة
وعلى النت يقول شغل وماعرف شووو لكن انا مرة شفته فاتح الجات ؟؟؟
ومرة شفته صدق يالس يشتغل !!
ولايحوطها وايد امم يمكن اغراض العيد اوو شي جي يعني بس نادر يعني وريل اختي وبنت خالي جي بعد
وشو برمس لين ارمس والله وايد ماذكرتهم ماظنتي انا شفت حد من بنات العائلة اوكي مع ريلهن
مع انه والله مايقصرن في حااية وانا متأكدة واشووفهم بعيني واسمع رمستهم
الله يهدي اليميع ان شاء الله ويصلحهم !!
بس انا اتخذت قرار عقب كل هذا اني ما اخذ واحد من العائلة او من نفس منطقتنا لانه المعضم نفس الطينة !!
مجرد فضفضة ,,
تحياتي
كعبية وافتخر
سبحــان الله .. نفس القرار اتخــــــــــذته …
دوم المعرسات عندنا يتشكــن .. بس اذا ييتي تشوفين حالتهن
من بعيد .. تشوفينها زينه و احسن عن باقي الحريم …
مادري هالشي دلع و لى عدم رضا ولى يخافن من العين …
ع العموم .. كنسلنا شباب العايله و الحــاره بكبرها ..
ربنا هب لنا من ازواجنا و ذرياتنا قرة أعين و اجعلنا للمتقين اماما
انتي شفتي الامور الظاهرية لكن ما تعرفين شو في القلوب
يمكن يحبون بعض وما يظهرون هالشي جدام الناس
او يمكن انتي يوم تروحين لهم في وقت غير مناسب
شوفي مصيبة غيرج وبتهون عليج مصيبتج
^____________^
سبحــان الله .. نفس القرار اتخــــــــــذته …
دوم المعرسات عندنا يتشكــن .. بس اذا ييتي تشوفين حالتهن
من بعيد .. تشوفينها زينه و احسن عن باقي الحريم …
مادري هالشي دلع و لى عدم رضا ولى يخافن من العين …
ع العموم .. كنسلنا شباب العايله و الحــاره بكبرها ..
ربنا هب لنا من ازواجنا و ذرياتنا قرة أعين و اجعلنا للمتقين اماما
ههه زين حد شراتي
اللهم امين ,,
مب كلهم ختية !!
انتي شفتي الامور الظاهرية لكن ما تعرفين شو في القلوب
يمكن يحبون بعض وما يظهرون هالشي جدام الناس
او يمكن انتي يوم تروحين لهم في وقت غير مناسب
شوفي مصيبة غيرج وبتهون عليج مصيبتج
^____________^
الله يهدي اليميع