بنات الفزعة خويتكم عندها حفله تخرج وتبي تسوي فيديو كليب !!!

بنات انا مرة حضرت عرس وربيعتي العروس سوت فيديو كليب قبل لا تدخل القاعه وكانت الفكرة جدن حلوة ومبتكرة
ظهرت في الفيديو كليب وتكلمت عن نفسها وعن اهلها وعن ربيعاتها عن حياتها بشكل عام
المهم انا بسوي حفله تخرج وابي اسوي نفس الفكرة واحط فيديو كليب يتكلم عن حياتي لين ما تخرج من الجامعه على فكرة انا متخرجة ماستر وابي افرح بالشهادة
فبنات اللي عندها افكار عن طريقة الفيديو كليب وكيف اسويه وعن الكلام اللي اقوله يا ريت تساعدني
يعني انا اصور في ميلس بيتنا واتكلم عن نفسي شوي انه كيف عدت الايام بسرعه وسبحان الله تخرجت من المدرسة لين الجامعه والحين خلصت ماستر
وعقب اتكلم عن اهلي وخواتي وربيعاتي وجي
قالمطلوب الحين اذا وحدة مرت عليها هاي الفكرة تقولي شو هي الاشياء اللي تكلمت عنها وياريت تحطون الاسئله لي والافكار ساعدوني بنات ما عندي وقت ابدن حفلتي عقب العيد

اول شي مبروووووووك ‏:‏)‏
اممم ان اقترح اتحطين ف البدايه صورج من يوم بيبي
لين كبرتي..
والصور مره بروحج ومره مع هلج او اي حد
وتكلمي عن دور هلج ف وصولج لهالمرحله وربيعاتج
والدكاتره وقولي حبيت تشاركوني فرحتيه
شورايج ؟؟؟
هذا بشكل مختصر

مشكورة اختي انا قلت بسوي جي
بس كيف الطريقة يعني اول شيء شو اقول شو الكلام اللي مفروض اقوله
لو اي وحدة من البنات عندها اسئله ممكن تساعدين وتطرش لي هاي الاسئله بحيث انا اقدر اجاوب على الاسئله
خاطري يكون الفيديو كليب وايد مؤثر

سبحان الله وبحمده سبحان الله العظيم

اوك بسألج..

شو تخصصج؟
ليش اختري هالتخصص؟
هلج شجعوج ف هالتخصص؟
ربيعاتج يساعدونج ف الدراسه؟
ونتي صغيره كان خاطرج ف هالتخصص؟
شو شعورج الحين يوم تخرجتي

عندي لج فكره يوم مثلا ترمسين عن امج او ابوج حطي شعر او صوت شاعر يتكلم عن الام والاب
حطي تأثيرات بالشعر وجي

موفقه