بنات اللي تبا الأجر في هالشهر الفضيل تدخل بسرعة

عزيزاتي بغيت أستفسر عن برنامج نور دبي لعلاج العيون الخيري ..

إذا بغينا نتواصل وياهم نتواصل ويا منو ؟ حد عنده فكرة أو عنوان اللي ممكن نقدم عندهم ..
ابصراحة أبا أسوي خير في عايلة من دولة خليجية شقيقة .. عندهم طفلة عمرها سنة وست شهور من انولدت وهيه كفيفة .. وأهلها وحليلهم ناس على قد حالهم وقالوا لهم علاجها يكلف ثلاثمية ألف وشي !
الأبو اميمع من أهل الخير ميتين ألف وشي وطبعا لانه فقير مب عارف شو يسوي ووايد حالته تعبانه ..
فلما سمعت وشفت صور البنت قلبي وايد عورني وقلت بحاول أسوي اللي أقدر عليه وخص إن نحن في هالشهر الفضيل والناس تتسابق للخير ..
أبا أوصل لبرنامج نور دبي لانهم عالجوا وايد حالات من كل العالم على حسابهم ..

اللي تبا الأجر يا ريت اتدور ويايه وتعطيني طريقة أقدر أتواصل فيها ويا المسؤولين عن استقبال الحالات في نور دبي ..

وبارك الله فيكم ويزا الله خير كل من يشارك ..

ملاحظة : الحالة ما اتخصني ولا تقرب لي .. بس مساعدة إنسانية لأشقاء مسلمين من دولة خليجية مجاورة