بنات الوحام يايي بالغلط ساعدوني"للمتزوجات فقط"

أشحالكم با نساء جنسي

المهم بندش في الموضوع ربيعتي صار لها فترة معرسة والحمد لله رب العالمين ,حملت بس مب هاي المشكلة ,المشكله أنه الوحام يايي في ريلها ,هي مب مستحمله اليلسه معاه ولا أتم في البيت دقيقه على فكرة هي في الشهر الثاني
وهالشي مسبب حساسية بينها وبين ريلها ,وهي حليلها تبا أي حد يفهمه أنه هي فترة معينه وبيرد كل شي مثل ما كان وهذا المولود الاول وإن شاء الله تربي بالسلامة ,,,بس هو للإسف عنيد وما يسمع الرمسه على باله أنه دلع وحاله مع العلم بإن ربيعتي وايد اوكي ما شاء الله عليها ..

,بنات دخيلكن سااااااااااااااااااعدوني

خل تفهمه انه هاي فتره وبتعدي وانه هاي هرمونات زايده تسبب هالاحاسيس

واالله يعيينه لآزم يتحمل ..

هلا بنتي العزيزة ,والله ذكريتني يوم أني كنت حامل في حارب الله يحفظة ويطول بعمره وإن شاء الله جريب بكون يده

هههه,على العموم الوحام مثل ما نعرف أنه عبارة عن تغيرات نفسية أتحس فيها الحرمة وتبتدي في الاشهر الاولى من الحمل وتنتهي على نهاية الشهر الاول أو الثاني ..

بس أنتي وحامج بما أنه صاب ريلج فحليله ربي يصبره والواضح مثل ما قالت ربيعتج بإنه المولود الاول لج

يعني نفسية ريلج وايد تعبانه ,لهذا عليج أنتي كمرآة والمرآة بفعلها وكلامها تقدر تسحر الريال وأتخليه قنوع

بعطيج بعض النصائح وأتمنى أنج أتقومين بها لاجل ما اتحسين باللوعه والغثيان:

1- حاولي يوم أتنشين من الرقاد تتمددين عادي على الشبرية مب على طول أتنشين لانه الحركة المفاجئة أتسبب لج اللوعه وإحتمال أترجعين وثاني لانه بطنج فاضي ويكون احسن لو أتحطين بسكوته صوب الشبريه اتنشين الصبح تاكلينها قبل لا تتحركين وحاولي أتنشين بكل خفة ..

2-حاولي ما تاكلين اكل في دهون وااايد لانه بيظرج وبيحسسج باللوعه اكثر يعني اكل مطاعم وجبات سريعه لا,أكثري من الخضار ,السمج واللحم والبض والجبن يعني شي فرش..

3- حبيتي أا حسيتي بإنه أي شي حلوو على سبيل المثال فيه سكر واايد يسبب لج لوعه وأنج بترجعين لا تاكلينه وحاولي أتخففين من الحلويات.

4-خاوي الخيار الاخضر فهو الوحيد اللي بيخلصج من اللوعه عاد هي كانت خضرتي المفضلة ايام الحمل .

5-جوفي إذا تبين اتقليلين إحساس اللوعه كلي ثلج مكسر يعني مب ثلج المكعبات لا ها سوي مكسور وجي .

6-وأخر شي ,كل ما حسيتي باللوعه خلي اللبان معاج ما يفارقج .خليه في حلجج صدقيني بيقلل اللوعه.

والاهم من هذا كله أستخدمي العقل في كل خطوة تخطينها مع ريلج..

وربي يسهل عليج حملج ويسر ربي أمورج وإن شاء الله أتربين بالسلامه وأتبلغينا بولدج إن شاء الله

أمج,أم حارب