بنات بوظبي الفزعة انتن كريمات وانا استاهل

هلا بالغاليات بغيتكن تفيدن اختكن من فترة قريبة منتقلة بوظبي في الشهامه تحديدا وحاسه نفسي مثل الغريبة مب عارفه وين أسير مر عليه العيد وما عرفت وين اشتري بدل لعيالي بغيت أعرف محلات غير عن اللي في المراكز محلات أطفال راقية ولا ماركات ما تفرق عندي وبعد شو عن أفضل صالونات عندكم والله في العيد معرفت وين اسير احف ولا اتحنى ولا أصبغ
ياريت ما تبخلن عليه واللي عندها رابط اطرش لي إياها

محل اطفال………………… سويت بيبي في مركز زايد…………. عندج المارينا وايد محلات اطفال (مونسون بيبي بوش ) وحق لكباريه كان كان والحريبي شغلاتهم حلوه……….عندج بعد في حامد سنتر تشترين منه جواتي.
الحنا عندي ارقام حنايات لو تبين وعندج صالون لافام شغلهم وايد حلو حناهم شرات الرسم ماشالله بالخالديه….
الصالون عندج سنا بالخالديه و صالون افنان
والسموحه ان شالله عاد فدتج …………. دعواتج

مشكوره اختي على ردج وعشر دخلوا لحد الحين وما في غير رد واحد

في الشهامة ربيعتي هناك تسيير صالون الاخوات تتحنى عندهم فرع في الشهامة وبعد صالون عهود

والله اعلم

للحنا عندج فالشهامه صالون الاخوات
ومحلات الاطفال مثل ماقالت لج اختي فالمارينا وبوظبي مول عندج بعد وين وين؟؟يعني فكل مكان تروحين له فبوظبي بتلاقين ماعرف اعدد لج لاني مش متزوجه وماعندي يهال هههه بس حبيت اساعدج

حبيبتي اذا انتي ساكنه في الشهامه

فافضل انج تتعاملين مع الصالونات الموجوده هناك ولا تغربلين عمرج في الطريق سايره وراده

في صالون الاخوات الي عدال الجمعيه

وفي حنيات ويشلن ويحفن وماهرات في هالشي

واذا تبين بدل لعيالج مو ماركات واسعار حلوه

انصحج اتروحين امصفح لمركز السفير

عندهم اشياااااااااااااااء واااااااااااااااايد حلوه ورخيصه بالماي

مش معنات ارخيصه ومش حلوه لا والله انا لقيت اشياء راقيه لبنوتي وخذت منهم

يعني في بوظبي الطقم مال البيبي ينباع كل واحد ابروحه

وعند السفير ينباع كله ارباعه ويوصل حدود 30درهم ببلاش لا

حشى لا زم مركز السفير يعطني جائزه للاعلان الي سويته لهم

واقول لا تقولين مصفح بعيده ترى والله ابوظبي زحمه مووووووووووووت

ارجو تني فتج اشوي

سلاااااااااااااااااااااام

مشكورات خواتي بس انا قالوا لي في محلات مش موجودة في المراكز تبيع ملابس راقية للأطفال وماركات بعد بس للأسف ما عرف أسمائهن اللي عنده فكره تخبرني