شحالكن ،، و مباركن عيدكن ^_^
حبيت اتخبركن عن النادي الرياضي اللي في الجامعه
وين مكانه بالضبط ، ادري ف الجيم بس ما ادله وين بالضبط ^.^"
و كيف الاشتراك فيه ومتى الايام اللي يكون فاج فيهن + شو رايكم في المدربه اللي فيه اوكيه ولا لا ؟
وفي لوكرات هناك ولا مافي؟
وسلامتكن ^_^
انا فمقام 4 و مشتركه فالجم و ببدا من السبت انتي من اي مقام؟؟
اذا فمقام 4 الجم بكون فمبنىى 1 اول ما ادشين ع ايدج اليمين فالطابق الارضي
و المدربه تكون قاعده ع طاولتها و ما تسوي شي لانها حامل
انتي تدشين و تدربين على الاجهزه و تظهرين متى ما تبين
يكون مفتوح من 5 العصر لين بليل 11 احسن وقت تروحينله الساعه 8 و نص او 9 لانه يكون فاضي و الاحسن تروحين 6 المغرب يكون فاضي بعد لان البنات فالدوامات
اناا بسير الساعه 5 و نص لاني ما عندي دوامات الا الاثنين و الاربعا
اذا تبين نروح مع بعض حياج حبوبه
بالنسبه لتسجيل لازم تسيرين عند المدربه و بتعطيج ورقه اشتراك و لازم تسيرين للعياده و تشوفن الدكتوره عسب توقعلج ع الورقه
و بيسون لج النيرسات قياس الضغط و عقب تخلصين و توديها للمدربه
و رسوم الاشتراك 80 درهم و اذا تبين بعد المنتصف بتاخذ منج 40
بس انا من بنات العين مب من السكن ،، عادي ايي الجم عندكم P; بعدين بيكون قريب عليه لانيه كليه اي تي ومقام 4 قريب من كليتنا يعني مابضرب خطوط ف الحر خخ
بالنسبه للاوقات الاحد والثلاث من 4 لـ 6 تقريبا والاثنين والاربعا على حسب ولله مادري مافيه العب رياضه قبل الكلاسات بخيس عرق خخخ وين بتسبح خلاف هع
ماعندج علم عن الجم اللي في الصاله الرياضيه وين نستلم الكتب ؟
اهاا انتي بنت العين
اوكيه عندي لج حل
انااا خريجه هالكورس و ما عندي غير مساق واحد و دووووووم فاضيه
شو رايج تيين عندي السكن
ادربي بالجم اللي فسكنا معايه و عقب تعالي جناحي تسبحي و تبدلي و روحي كلاسج اذا تبين
الجناح اللي انا فيه وايد اوكيه
البنات مضمونات لانا كلنا بنات اماره وحده و عارفات بعض من ايام المدرسه و الكورس هذا يونا مستجدات بجناحنا بس والله طيوبات من اشكالهم واناا مشرفة الجناح ..
الغاليه اذا تبين اتيين حياج والله اذا ما شالج المكان تشيلج العين.
اما عن الجم اللي بمنى 4 (الصاله الرياضيه) ما اعرف والله
هممم بطرشلج ايميلي على الخاص عشان نتفاهم كيف نتلاقى ^_^