بنات ساعدوني وشجعوني …
خاطري البس عباية عالراس بس ما اعرف ..
يعني يوم سرت السوق اللي يقولي قطعه واللي يقولي قطعتين واللي يقولي مال الشل …
الصراحه ما اعرف حد من البنات يلبسها …
بعدين انا طويله واخاف يوم احظها عالراس تقصر ..
وانا لحد الان ما يبت طاري لاي د تعرفون عشان لا يهبطون عزيمتي ..
ابا اتشجع والبسها مره وحده
بنات ساعدوني وشجعوني خاصة انه محد يلبس منهاا عنا الا يمكن ينعدون بالاصابع واكبر عني بعد ..
انا من نفسب مقتنعه بها احس العبي اللي نلبسها تفتن ..
يزاكم الله خير …
الغالية انا ربيعتي تلبس عباية على الراس
ودوم تطلب عباية بو قطعتين عشان تكون طويلة وساترة لين تحت
الله يوفقك ياااااارب ماتتخيلين وش كثر فرحت يوم شفت موضوعك
شوفي حبيبتي انا كنت البس ام قطعتين بس حسيت انها نفس الشي
فيها فتنه لانها تبين الأكتاف شوي
بعدين الحين انا ولله الحمد مستقره على الموديل القديم هذاك اللي
يجيك مفتوح من قدام ولازم تمسكينه بيدك.. ويدينه فيها زي الخيوط تحطين
اصابعك فيها >فيه طريقه بدل ماتمسكينه بيدك تحطين فيه ازرار طقطق وطقينها قبل ماتطلعين
وبعدين البس القفاز وادخل اصبعي الإبهام في الخيوط المحطوطه
وصدقيني وش كثر وناستي وانا طالعه من البيت ماحد يقدر يشوف
مني شعره وحده احس بافتخااااار عظيم
وبالمناسبه صديقاتي واختي دايم يتطنزون علي ويضحكون علي
بس انا مطنشتهم
لانهم مايهموني اهم شي عندي اللي خلقني وبس.. واني ماشيه صح وبس
قالت عائشه رضي الله عنها "رحم الله نساء الأنصار لما نزلت آية الحجاب
شققن مروطهن فاختمرن بها ..كأن على رؤسهن الغربان"
ليش مانكون مثل امهاتنا امهات المؤمنين والصحابيات الجليلات
صدقيني مايهمك اللي يتطنزون عليك خليهم يضحكون بكره يلبسون مثلك
مهوب يقول المثل" لاتضحك الا من مصلي وصوام "علشان يوم ربي يحفاك تصير مثله
الله يوفقك حبيتي وانشالله تتعودين عليها والله يزيدك ياااااارب هدى ونور
الحمدالله انا البس عبايه فوق الراس والله ايثبتنا
اربيعاتي ايقولولي خيمه متحركة
انا اشتري من محل الحلوه
بالنسبه للعباه انا عن نفسي ما اشتريها الا من السعوديه لان اغلب المحلات ما قامت تفصلهن واذا فصلتهن ما يعجبني قياسهن……فقمت اخذهن من السعوديه
وبالنسبه لي البسها قطعه وحده ومسكره بالكامل…..
ومن جد لما البسها اقول الحمدلله الى الله سترنا بهن وسهل علينا لبسهن …..بس معلومه انا من لبست عباه لبستها على الراس على طول…..
وبالنسبه للتعليقات ثقي ان اي شئ يخص الدين وهو صح وعلى السنه بتلاقين الى يضيق عليج او يتطنز او يعلق عليج بس ثقي انج على حق وصح فماعليج من احد وهم من داخلهم يعرفون انج على حق…