مثل ما قريتن العنوان…أنا باجر بإذن الله بسير العمرة….
شو تنصحوني ؟
وقولوا لي شو دعيتن إستجاب الدعاء؟
الله يخليكن لا اتردني….
إختكن جميلة
ذكرتني بايام العمره كنت سايره في الصيف مع ابويه و دعيت اهناك في اشياء كنت ابيها تتحققت الحمد الله الله يسرها علي وان شاء الله الله يسر بيني وبين خطيبي عالخير
حبيبتي عليج بدعاء اول ما عينج اطيح عالكعبه والله انه الدعاء مستجاب وادعي وانتي في الطواف وفي السعي وان شاء الله ربي يستجيب لج ولا تنسينا بدعاء – عمره مقبوله بإذن الله
اتروحين وترجعين بسلامه وخبرينا يوم بترجعين الله معاج حبيبتي
ما أدري أدعي لمنو وخلي امنوا….
يارب يستجيب دعائي إن شاء الله
ويحقق مناااالي….آمييييييييييييييييييييين….
يالله حبيباتي خبروني…
تروحين و ترجعين بالسلامه ..
و ادعي بالشي اللي انتي تتمنينيه ..ادعي الله يحفظج و يحفظ اهلج و حبايبج من كل شر ومرض..
ادعي الله يفرج على الفلسطينين ..
ادعي بالراحه
بالطمانينه
السعاة
راحه البال
ادعي بالثبات على الايمان و الطاعه
ادعي الله يعطيج القوة في قول كلمة الحق
انه الله يسهل امورج
و ينولج كل شي بخاطرج
ادعي بالجنه
بالمرور على السراط
بتخفيف الم ضغطه القبر و انه الله يوسعه لج
ادعي الله انج تكونين من الصوامين القوامين ..الذاكرين الله
و ادعي بحسن الخاتمه..و بكل شي تحبينه
و الحي بالدعاء بالسجود … و تذللي يوم بتصلين داخل الكعبه ..اقصد القوس اللي جريب من الكعبه ..لانه هالمكان هو داخل الكعبه قديما ..
هذا اللي تذكرته..
و لا تنسيني بدعوة انه الله ينولني اللي بخاطري…
ادعي فاللي فخاطرج طلعي كل اللي بخاطرج ادعي من كل قلبج وخصوصا اول ما تشوفين الكعبه
يعني اول ما تطيح عينج عالكعبه ادعي الدعاء مستجاب…..
اشكي لربج يلسي جدام الكعبه وادعي وانتي تطوفين ادعي الدعاء مستجاب وخصوصا عند باب
الملتزم(باب الكعبه)يوم تخلصين الطواف واوقفي عند باب الكعبه ادعي من خاطرج صيحي
طلعي اللي بقلبج الله ما يرد الدعاء عند هاك المكان..وفالسعي بعد ادعي الدعاء مستجاب..
كثري من ماي زمزم اشربي وايد وادعي الدعاء مستجاب وبنية صاقة…..
كل ما تشربين ادعي تمسحي فيه ….
صلي القيام لا ترقدين ودري الرقاد لاحقه عليه رقدي لج كم من ساعه ونشي الساعة ثلاث
سيري الحرم وصلي القيام كثري من الصلاه هناك المكان ما يتعوض وادعي فالثلث الاخير من الليل
الله ما يرد الداعاء…حاولي ما تضيعين وقتج وبكل لحظة اكري الله
واستغفري وااااااااااااااااااااايد حاولي اتمين يالسة فالحرم وايد والله المكان ما يتعوض انا جربت
ويوم رديت حسيت عمري ابا ارجع ويوم اشوفه فالتلفزيون اشتاق للمكان…..
الله ايسر لج اختي ويسهل عليج ويتقبل عمرتج يارب…..
ولا تنسين تدعين للآخره بعد مب بس للدنيا……
ولا تنسين تدعين لي تذكريني انا مواضيعي فالهمندي كلها عن الدعاء
لني اعاني موعندي هم كبيييييييييييييير ودوم ادعي ربي..
دايما فمواضيعي اكتب ادعولي ان الله يجمعني مع زوجي ويجعله من نصيبي عاجلا غير آجل ويسخرهلي ياااااااااارب….
تذكرني فديتج لأن الدعاء للأخ لأخيه بظهر الغيب مستجابة والملك يقول لج ولك مثها…..
والله يحقق لج كل اللي تتمنينه يارب….
والسموحة
فكثري من صلاة النوافل
سنة الوضوء- الضحى – السنن الرواتب – القيام
ولا تنسين الصدقة ع فقراء مكة
واهم شيء
لاتنسين اخوانا في غزة ادعي لهم بالنصر
وادعي لي باللي في توقيعي
اكتبي ادعيتنا في ورقة وخذيها وياج الحرم وادعي لنا لان دعوة المسلم لاخيه بظهر الغيب مستجابة
اختج — ام عبدالله