بنات كلية العلوم و كلية التغذية ضروري تدشن في شئ خطيرر

السلام عليكم :
انه تخصصي احياء دقيقة يعني انه متخصصة بالبكتريا والفيروسات والمناعة وهذا اهم فرع في فروع البايولوجي بس طبعا انه خريجة قديمة وشهادتي مو من الامارات … المهم اود اذكرلج اذا تبين طريق العلم والبحوث والتميز العلمي استمري على البايولوجي لانه يعطيج فرصة تكملين الدراسة بمجالات طبية متميزة وحتى ممكن تدرسين الدراسات العليا بالطب وتدرسين في الطب وممكن تنظمين لمجال مراكز الابحاث الطبية العلمية بس هذا القسم صعب وتسخدمين اللغة الانجليزيه فيه اكثر من كل الاقسام ودروسها متشعبة ومختبراتها رغم انها ممتعة خصوصا اللي تخص البايلوجي الجزيئي DNA
وتجارب البكتريا تاثير الادوية عليها وهو اكثر الاقسام اللي فيه المختبرات والجانب العملي
وتدرسين فيه كل انواع الكيمياء لانج تحتاجينها في التحليلات فكانج دارسة تخصصين احياء وكيمياء
اما المجالات الاخرى للعمل فيه غير البحوث هو تحليلات المرضية في المستشفيات وتحليلات الاغذية من الجراثيم في مصانع الاغذية وتحليل الماء في مشاريع تحلية الماء وتصنيع الادوية في مصانع الادوية … يعني الشغل فيه مضمون وكثير يشتغلون في مختبرات البلدية
اما كلية التغذية ممكن تكون اسهل ومستقبلها حلو اذا تبين تشتغلين اخصائية تغذية وهذه جدا مطلوبة ومربحة هذه الايام وما اعرف باقي اقسام التغذية .
عموما انه وضحتلك الصورة واتمنى اكون افدتج وانتي اختاري واستخيري احسن ………..

مشكووووووووووووووووره أختي .. وبيض الله ويهج ؟؟ ما قصرتي ..

موفقه