بنتــي وايد ترجع تعبت

السلام عليكم ورحمة الله

خواتي اانا عندي مشكله متعبتني نفسيا بنتي عمرها اسبوعين ووايد ترجع مع العلم ارضعها طبيعي ومرة وحده في اليوم اعطيها حليب صناعي واحيانا ما اعطيها صناعي الي هو حليب اس 26

وديتها عند الدكتور وغير لي الحليب وعطاها حليب نان وابدا ماتقبلته

وفوق هذا تعاني من الغازات و البلغم لانها شربت وايد ماي في البطن ..

وديتها عند دكتورين و قالولي هالشي طبيعي و كل مره يغيرون الحليب

بس انا اللي ابا اعرفه

اني انا ارضعها طبيعي و هي ازوع .. هل الغلط من حليبي؟؟ و انا وايد محاسبه على اكلي

وايد ازوع لدرجة ينصب ع الارض ..

اقلبها على بطنها و اخليها على يمب و عقب كل رضعه ادسعها .. بس نفس الشي لازم ازوع مايتم حليب في بطنها فديتها

شسوي ؟؟

انا new Mama .. الكل قاللي طبيعي بس انا خايفه لان الزواع بكميات كبيره !!

حبيتي بنتج ماخذه برد حاسبي من المكيف خليه معتدل ودفي بطنها وخصوصا لما ترضعينها

حبيبتي هل فيها اسهال

هههههه اختي ذكرتيني بعمري بولديه الاول

لا اختي ما عليج هاي فترة ترا الياهل ما يتحمل ةايد وشي طبيعي انه يزوع وبعدين علشان الغازات يوم بتكمل شهرين بيخوز عنها كل شيلا تخافين هاه شعور طبيعي

فترة صدقيني وبتعدي ولاتخافين من الزواع في هالعمر وايد يزوععون

سبحان الله نفس معاناتي..

انا بنتي عمرها 3 اسابيع وارضعها طبيعي…ونفس الشي تزوع حتى لو جتيتها..

قآلولي يمكن هي تشرب حليب وايد ومعدتها صغيره..فترجع الزياده…

فـ انا بروحي مب عارفه شو الحل وما وديتها عياده
ان شاءالله استفيد معاج في موضوعج..
والله يحفظ لج بنوتتج

انا احاول ادفيها .. والمكيف مااخليه بارد

بس تدين الاحظ ان اطرافها تبرد وايد

مشكوره ع لرد حبيبتي و النصيحه

فتره وبتعدي حبيبتي لا تخافين والله يحفظها لج