الأمهات العزيزات اسعد الله اوقاتكم
بخبركم مشكلتي مع بنتي هيفاء الله يحفظها ,عمرها سنتين و9 شهور , هي الأكبر واخوها صغير عمره 9 شهور, بنتي ما تتكلم غير بعض الكلمات,وابدا ما تقول جمل مفيدة ,يعني جملة من كلمتين ما تعرف تقول
دائما اكلمها والعب معها بس ما احس نتيجة,حتى اسمها ما تعرف تقوله!!! تعرف اسم اخوها وما تعرف اسمها !!!
ما عندها اي مشاكل في السمع او اي مشاكل من اي نوع آخر , الحمدلله
والسبب في تأخر كلامها انها قليلا ما تختلط بالأطفال او بالناس عموما ,غالبا تطالع التلفزيون او تخرج معي انا وابوها وفقط >> لأسباب خارجة عن ارادتنا
المهم ,انا افكر ادخلها حضانة ,سؤالي هل ممكن تستفيد من وجودها بالحضانة ووتبدأ تتكون عندها لغة ,خاصة وان الحضانة يكون فيها جنسيات مختلفة ولهجات مختلفة ؟؟
ووين تنصحوني ادخلها , انا من سكان العين؟
وسمعت اني ممكن اسجلها بمدرسة بتجلس مستمعه ,هالكلام صحيح؟
مشكورات على المساعدة مقدما
متابعة موضوعج ﻷن عندي نفس المشكلة سبحان الله و لنفس السبب !!
و أيضا عدم الاختلاط الكثير خارج عن ارادتنا سبحان الله . .
الحمدلله على كل حال ..
ان شاء الله البنات يفيدونا ..
وفعلا حطتها واول ما دخلت الحضانه بعمر الثلاث سنوات ووشهرين صارت ترمس ترمس ترمس لدرجة ان راسنا يعورنا ههههه ما شاء الله عليها ، ارد واقولج لا تخافينننننن عادي
والسبب الرئيسي التلفزيون ترى يلعب دور اساسي في هالشي لين ماكبرت ثلاث سنوات وهيه كلامها كلام واحد عمره سنه ونص
راجعت بها المستشفيات السمع وكل شي زين
وراجعت بها جلسا اسبوعيه للنطق ماحسيت فيه تحسن بسبب قصر الوقت ولكن الدكتوره نصحتنا انها تدخل حضانه او روضه عشان تتحسن
وفعلا الحمد لله من دخلت الروضه تحسنت الحمد لله
ما اقولج صارت طبيعيه 100% لكن احسن عن قبل بواااايد الحمد لله
ولكن! للحين محتاجه علاج ولاعارفه وين اشلها مكان زين اتصلت فابوظبي بمستشفى خليفه مدحوه لي لكن قالو لي لازم تعطينا تقرير من عندكم وتوام ماتفاعل وياي وايد في هالخصوص
وفيه عياده وااايد زينه هنيه لكن ماسرت لها للحين بعطيج اسمها بس بتاكد من الاسم دكتور يعالج هالحالات اعتقد الجلسه ب 200
يوميا يمكن
بخصوص الحضانات حطيها فتويز ار اص زينه ووايد حضانات عندنا زينات
واي سؤال بالخدمه
khakhou68 ههههههه ان شاالله بنتي ترمس وتجيبلي الصدعه احسن من احساسي بوجود مشكلة وانها اقل من اقرانها , انا اخذت قرار الحضانة فعلا بس ابحث المكان المناسب والمفيد ,مشكور الغالية
المها2017 الله يكون بعوننا , لازم يا اختي تشوفيله حضانة يختلط بالأطفال احس احسن من التلفزيون الي ما يعلم لغة ابدا, ابن اخوي بعمر السنتين كان يصدع روسنا من الكلااااااام
مشكورة على تواجدك والله يطمنك عليها
انا بنتي تفهم كل الكلاااااام وتسمع زين وصحتها ممتازة الحمدلله ونشيطة وتفاعل وكل شي ,ما احسها محتاجه اكثر من الاختلاط بأقرانها,يوم اكلمها ما تشوف حركة الشفاه وبالتالي ما تتعلم مخارج الحروف وكيفية نطق الكلمة وبالتالي ما تتكلم
الكل يقول عادي ما تخافين , بس انا احس بالنقص ,وان من واجبي كأم اهتم بالموضوع
افكر بحضانة الجيمي مدحوها لي , وبشوف تويز آر اص ان شا الله