الغاليات بنتي عمرها سنةو5 شهور اذتني كله تبغي تمص المصاص ليل ونهار تبغيه في ثمها ما تودره ويوم اشله عنها احسها مضيعة وتصيح وتباغم الا تبغيه فانجبر واعطيها عسب افتك من زنها
قصيت ربل مصاصة وهي عادي قامت تمص
وحطيت ع المصاص الثاني مره
بس عادي تمصه شوي لين مرارته تخف وترجع تمصه مرة ثانية – جنه العيد-
حاليا من اسبوع ما اعطيها بالنهار وهي احيانا تنشد عنه
لكن الفلم الهندي يستوي في الليل ما تنام حتى لو تكون شاربة حليب وشبعانة بس لازم تمصه حتى لو مصتين وعقب ترقد
شو الحل
ساعدوني
والله فجها اخترب من هالمصاص
فليل كنت اخليها قبل ماترقد تشرب مرضاعه حليب يوم تخلص رقدها ولازم يوم تكون راقده اخلي عنها مرضاعه حليب دافيه علشان كانت متعوده تمص مصاصه يوم تحصل مرضاعه تحطها في ثمها تحسبها مصاصه والحمد الله صحتها الحين احسن عن قبل وقامت تتكلم اكثر وتاكل اكثر وزنها يزيد
انصحج انج تبعدين عنها مصاصه
علشان تتكلم زين
عطيها لعبه او لعبيها اليل لين تتعب وترقد
شوفي في أكله ماتحبها بنتج
مثلا في المطبخ خلها معاج وحطي سمج ني في صينيه وخليها تشم السمج
خليها تقول ريحتها مب حلوه وحطي عقب المصاص بينهم شوفي شو بتقولج
يعني أذا ٍسألتج عنها قولي هناك عند السمك
يعني لا المره ولا هاي الاشياء بتنفع
لازم الطفل يكرها
مثلا قصقصيهم وقوليلها الاسد جه واكلهم
هاي الاشياء تساعد وااايد وفكري حسب بنتج وشو تكره
وأن شاء الله أكون فدتج 
بس خفت اذا ودرت المصاصة .. تصيح فليل شو بيسكتها؟؟
لا تقولون انانية ..بس الصغارية حشرة و خاصة فليل وقت الرقاد
و بنتي عمرها سنه بالضبط
امس ضاعت المصاصة و قلت الحمد الله افتكينا و برقدها بدون مصاصة… تمت تصيح و تلعب عقب تصيح .. و ترد ترقد
يعني اتزلعت من الخاطر عسب المصاصة ….. و اخر شي اشترينا مصاصة يديدة الساعه 12 فليل 
حكم القوي
شكلي بكنسلهااا عن اخووهاا عشاان تنسااهااا
انا كنت نفسج ببنتي تعلقت فيهااا سرت وجمعت كل المصاصاات اللي بالبيت وحطيتهم بكيس وعقيتهم بالزباااله وقررت ان ابعدهم عن عيينهاا وبتنساااااااهم
صح صااحت اياام تدورهم بس ضغطت ع نفسي ولهييتها لحد ما نستهم بس اخووهااا الحين ذكرهااا << بس برجع احرمهم