بنياات ممكن شوي ؟؟ !

غاليتــــي

عمـــر البطالــة ما كانت عائق للإنســـان

البطالــة بطالة العقـــل ,, يوم الانســـان يوقف نشاطــــاته ويقل تواصله مع الله سبحانه وتعالى

فهذا الي يسمى بطالي لإن عقله وروحه مب شغاليــــين ^_^

ليش تعطين من وقتج للشيطان نعوذ بالله منه

يعصبج بكيفـــه ويبعدج عن أهلـــج ؟!

انتي الحمدلله انسانـــة مثقفـــة ومب قاصرنــج شي ^_^

لا تتريين الدوام يي

اشغلي عمرج بالاشيــــاء الي تحبينها ^_*

افتحي قلبج لأمج وسولفي معاها ,, اهديها من وقت لوقت شي بسيط مب ضوري طقم ذهب ومن هالسولف !!

الهدايا مب بماديتها ^_^

يكفي انها تحس انج تفكرين فيها وتقدريــــن تعبها

دشي المطبخ تطبخين لهم ^^

واذا ما حصلتي متعتج في الطبخ

تعلمي الاعمال اليدويــة , من كروشي ورسم ( لغير ذوات الارواح ) ريــــاضـــــة
اي شي تستمتعين وانتي تسوينه ^_^

استوي مرة في الاسبوع تزورين أقاربج الي بعاد عنج (مع محرم أكيد ^_* )

ومرة في الاسبوع روحي دور اليتامى وافرحي والعبي معاهم ,, وشوفي النعمة الي انتي فيها مع أهلج في بيتكم ^_^

وبعد من وقت لوقت روحي دور العجزة وسولفي معاهم وحسسيهم ان الدنيا بعدها بخير واذا عيالهم حطوهم هناك ,, ترى بنات الناس ما بيقصرن معاهم ^_^
تقربي من الله سبحانه وتعالى أكثر ,, وحبيه وحبي النعمــة الي أنعم عليج

واشكريه ,, وصدقيني كل ما شكرتي زادت النعم ,, وما بتحسين بعمرج إلا وانتي تداومين ^_^
لا تقنطي من رحمة الله
رب العالمين رحيم كريم

ومستحيل يقدر لنا حياة تكدرنا

نحن مخلوقين عسب نعيش سعداء
دوري على سعادتج ولا تخلين للشيطان ظفر منها ^_^