انا متزوجة وعندي 4 عيال الحمدالله أعمارهم 9-8-5-2 الحمدالله من تقريبا شهر ابريل كرهت بيتي وصرت احس انى دايما متضايجة طالما انا في البيت ، ولاحظت تغير في تصرفات عيالي بمعنى 
عيالي عاديين مثل باقي العيال في حركتهم ولعبهم بس من فتره اللي هي من شهر 4 ابريل زااااادت حركتهم وزاااد ازعاجهم لدرجة اني مش قادرة اسيطر عليهم ، ابووهم دووم ايصرخ عليهم وهوو بعد صار له فتره مب متحملنهم ودوومم مضايج منهم والله احس بشي مش طبيعي اللي ايصير
فيدوني عيالي ابتدو ايحسون انه ابوهم دووم في حالة غضب ودووم ايصرخ عليهم ويضربهم وبعد ابتدوا يسألون عن سبب اسلوبة المتغير .
مليت من احساسي بقلة الحيلة للي ايصير عندي المشكلة ان زوجي ابتدا يطلع من البيت بزيادة بحجة ضيجة من العيال وتصرفاتهم ، وبصراحة ما ألومة 
وبعدين بعد صرت انا وابوووهم ما نتحمل دقة منهم الا والصريخ والظرب الطريقة الوحيدة للتفاهم معاهم
حراااام العيال غامضيني وريلي بعد غامضني وفي نفس الوقت ما ابغي نوصل لمرحلة انه يترك البيت والسبب العيال ، بس صاااير عصبي وما يتحمل شي
ابغى اسيطر على اعصابي واكووون كووول
ابغي حد ايفيدني بإستشارة تربويه يعنى متخصص في التربية واتناقش معاه في الاسلوب الصحيح في تربية العيال
ما اعرف متخصصين في الاستشارات الأسرية
لكن تبين نصيحتي. عليج بسورة البقرة كل يوم واذا ماقدرتي تقرين كل يوم شغليها طول اليوم في بيتج في الصللة في حجرتج
سبحان الله ماتعرفين يمكن عين ما صلت عالنبي او حسد او سحر
وان شاء الله الخوات يفيدونج
خلي العيال يطلعون طاقتهم في العاب يحبونها او اي نشاط
اخر مثل الرسم و غيره
بس بعد الضرب و الصريخ هب حل لكل شئ يالغلا يمكن السبب الرئيسي بعد انج قمتي تحسين ان اليهال يكبرون و المسؤولية تزيد و طريقة تعاملهم وياج تتغير بسبب أعمارهم
يعني طريقة التعامل مع الي عمره سنتين مب نفس الخمس او العشر سنوات. و بطبيعة الحال المدارس على الأبواب فراح ينشغلون بالدراسة
أنا تقريبا نفس مشكلتج بس انه عيالي أصغر من عيالي يعني عمر سنه و سنتين و أربع
و نزلت موضوع بعنوان ا" السعادة الاسريه ؛؛؛؛؛ كيف "
أتمنى الاخوات يفيدونا و ترى أنا شراتج الحاله سارت لي جي فجأه
و بالتحديد بعد ما يبت خدامن اندونيسية و كنت أبد مش مرتاحة لها و لا حتى عيالي بعد
و طبعا وديتها المكتب و افتكيت منشرها بس الحاله بعدها نفس ماهي
تقريبا صارلي سنه على هالحاله
و وايد يغمضوني عيالي وااايد اعصب عليهم و اضربهم ، الحمدلله ابوهم احن مني عليهم و هذا اللي مصبرني
أتمنى حد يفيدنا
ام ميزر ‘ كتكوتة حبيبي ‘ قريت سورة البقرة من فتره يعني على شهر يوليو ولاحظت تغير طفيف الحمدالله وبعدين وقفت شكلي برد عليها مرة ثانية لاني فعلا احس انه عين سبحان الله
مع العلم بيتي مفتوح لكل العائلة خاصة من صوب اهل ريلي يعني حتى بعض المناسبات تتسوا عندي في البيت واحيانا يستقبلون ضيوفهم عندي ماعندي مشكلة والله بس في ناس ما اتصلى على النبي وفي ناس محرومة سبحان الله واخاف اتكلم ويزعلون واتعرفون اهل الريل زعالين
الماركة شما ، miss pink مب مخلية دفتر تلوين ولا افلام مب ماخذتلهم بس البلي استيشن ماعندي افكر اييبة من فتره ‘ بس مثل ماقلتي اختي miss pink المدارس على الابواب وبتشغلهم
الله يهديهم ويصلح شانهم يارب
مشكورات خواتي 