بعد ما عرسة البنت قال ريلي بقولج الصدق ما دام انت هاديه قلت ليه وبصوت عادي الصدق عن شو قال كانت هاي البنت تلاحقني من سنتين بس انا صديتها قلت ليه وبهدوء كيف يعني ما اعرف عن شو تتكلم قال عن فلانه قلت ليه اوكي قال سالفتي انها اول بادي قامت دق من تلفونها طبعا كان زوجي يعرف رقمها بسبت اخوها لانه كان يدق علي رقم ريلي من تلفونها وقال بعد مرور اسبوع كانت تنهل عليه رسايل ووايد يعني رسايل اعجاب وقال ما اهتميت في الموضوع بعدين قال دق الرقم اللي تعرفينه ويوم قلت الو طلعت وحده قلت افلان فيه شي بس قالت انت ما تعرفني بس انا احبك واموت فيك قال اليها استغفري ربج انا ريال عندي حرمه وعيال وانت اخت ربيعي ولو دري تراه ما بيحصل طيب المهم سكر عنها بس هي ما تابت تمت دقله وطرشله مسجات حب وغرام بشكل ما تتصورنه قال هذه فيها عله ويوم نبش عنها ظهرت مريضه نفسانيا حتي لدرجه قالت له في احد المسجات انا بنتحر اذا ما بتاخذني وفعلن سوتها ها ي صدق مش كذب حتي انه رواني المسج والصورتها يوم الواحد ماكل سم وزبد كان منظر فضيع وقال حتي انها وصلت حق اخته وكانت تريد دش البيت بس ما قدرة عن طريق اخته بعدين يت مناسبت بنتي اني ربيت ويت علي اساس تبارك وهي كانت علي علاقه مع زوجي حتي انه قال كانت تدعي علج بالموت وانج ما تقومين بالسلامه او طحين من الدرج وينكسر راسي واموت المهم حتي انها كانت تشتريله الهدايا بس بنات الين الحين ما طاعت تفكه حتي هي متزوجه كتبتله مسج انها تحبه وتموت فيه وانها بتتخلص مني ومن زوجها علشان تقدر تتزوجه حتي انها تاكل منع الحمل علشان ما تحمل وكلام وووايد والين الحين طرشله مسجات خبروني بنات شو اسوي علشان اتخلص من هذا الكابوس المزعج ولا هي عزبه فتكيت منها ولا هي متزوجه تخلصت منها شو الحل في هذه الحرمه ؟؟؟؟؟؟؟؟؟؟؟؟؟؟؟؟؟؟؟؟
صراحه اخلي عمري ما مستوي شي بس علشان ما يحس زوجي بغيرتي
عطوني حل دخيلكم تراني متوهقه وووووووووووووايد
وعلي فكره حتي انها تجرات انها تقوله لا تخوني ويه حرمتك
كيف صورت نفسها و هي ماكله سم و طرشت الصورة لريلج !!!!!!!!!!!!!!!!!!!!!!!!!!!!!!!!!!!!!!؟؟؟؟؟
قلنا لكم صبروا علي البنت
الله المستعان
اختي عليج بالاستغفار ما عندي لج حل غيره استغفري في اليوم 1000 مره و ان شاء الله ربي يفرج عليج كل همومج
و يبعد عن ريلج هالبنت اللي ما تخاف من ربها
اقولج خلي ريلج يطنشها ومايرد على اتصالاتها بالتدريج بتودر تتصل من نفسها خاصه انها متزوجه حتى ريلها ماحشمته..
أخوها ليش يستخدم تلفونها ويتصل على ريلج منه؟؟ ليش ما عنده تلفون خاص فيه؟؟ ويستخدم تلفون اخته؟؟؟
نحن كلنا عندنا اخوان وعيال خوات وعيال اخوان… محد منهم يلمس تلفوناتنا ويقول بتصل لربيعي….
ثانيا وهم أهم نقطة.. ليش ريلج ما غير رقم تلفونه؟؟؟ ليش مستحمل التلفونات والمسجات؟؟؟
الحل موجود بس مادري ليش تلفون وتدورون عنه.. غيروا ارقامكم وخبروا اهلها… بتاخذ لها طراقين وبتيوز..
المشاركة الأصلية كتبت بواسطة غزال المفالي 
كيف صورت نفسها و هي ماكله سم و طرشت الصورة لريلج !!!!!!!!!!!!!!!!!!!!!!!!!!!!!!!!!!!!!!؟؟؟؟؟
صح… نقطة غفلنا عنها… هي تموت والا تصور؟
/
/
اممم خبري ريلج إن إلي تسويه خيانة حق ربيعكـ ،، وخليه يرمس ربيعه عن تصرفات إختهـ ،، وخليه يغير رقمه وغيري رقمج // وقبل ما يغير رقمه خلي يطرشلها : الانتحار حراامـ وإلي تسويهـ بيدخلج النار وأنا ما بنفعج في الاخير إنتي بدشي النار بإيدج ،، وانا متزوووج ،، ومستحيل اخون حرمتي و ربيعي إلي هو أخوج ،، وشودراج لو خذتج يمكن من أول يوم أموووت (اونه يزيغها )// وانا مستحيل افكر آخذ وحده خانت ريلها وأهلها ،، وخلي هتفاهات عنج وكبري عقلج وانتي تحبيني خلاص ادعيلي والله ايسر أمووورج ،،وهاي آخر رسالة ،، وخلاص ومن عقبها خلي يغير رقمه ،، ومثل ما قتلج فوووق خليه يخبر ربيعه عن اخته وعن الانتحار بأسلوب حلووو لعلها تتعض ويسمعها محاضرات ،،
والله يهديها يارب ,,
وغن شاء الله يكون حلي يناسب ولا يسبب الضرر حقها ^^