شو الدافع الاساسي( زواج _ ولادة_ او وحدة غثتج برمستها عن متنج اي شي خلاج اتقرري انج تبدين؟
شو الرجيم اللي اتبعتيه؟
شو الاكل اللي تركتيه؟
كم كان وزنج و كم استوا؟
كم كان قياسج و كم استوا؟
بشو كنتي تحددي وزنج ( الميزان – قياسات الجسم بالشريط – ثيابج القديمة – ملاحظة الناس او …الخ)؟ و هل شفتي نتيجة ترضيج؟
شو الرياضة اللي كنتي اتسويها؟
منو شجعج و منو احبطج؟
كم شهر تميتي على الرجيم؟
شو كانت ردة فعل الناس يوم شافوج؟
كم شهر حافظتي على رشاقتج بعد الرجيم؟
شو اللي خلاج تستسلمي للاكل؟
شو الدافع الاساسي( زواج _ ولادة_ او وحدة غثتج برمستها عن متنج اي شي خلاج اتقرري انج تبدين؟
وحدة ما شافتني من فترة طويلة، و يوم شافتني قالت لي " شو هالمتن، وايد متنتي اضعفي شوي " و احرجتني جدام خواتها.
شو الرجيم اللي اتبعتيه؟
رجيم السعرات الحرارية ، يعني ما اكل في اليوم الا الف سعرة حرارية اكثر او اقل بشوية.
شو الاكل اللي تركتيه؟
تركت الارز .
كم كان وزنج و كم استوا؟
كان 73 و استوا 60 يعني 13 كيلو.
كم كان قياسج و كم استوا؟
كان 18 و استوا 14.
بشو كنتي تحددي وزنج ( الميزان – قياسات الجسم بالشريط – ثيابج القديمة – ملاحظة الناس او …الخ)؟ و هل شفتي نتيجة ترضيج؟
الميزان كان اساسي ، و كنت ماخذة قياسات الجسم و خاصة الخصر ، و كان سايز خصري 85 و استوا 77، و كانت مرضية بالنسبة لي لاني شفت الفرق.
شو الرياضة اللي كنتي اتسويها؟
رياضة المشي، كل يوم ساعة .
منو شجعج و منو احبطج؟
خواتي شجعوني ، و امي ما كان عايبنها اني ما اكل شي.
كم شهر تميتي على الرجيم؟
حوالي خمس شهور.
شو كانت ردة فعل الناس يوم شافوج؟
وايد اتفاجئو بوزني اليديد، و الصراحة فرحولي.
كم شهر حافظتي على رشاقتج بعد الرجيم؟
يمكن سنة و نص
شو اللي خلاج تستسلمي للاكل؟
غرني وزني اليديد، و استسلمت للاكل. و رديت امتن.
بس كثر ما اقدر احاول اقلل من اكلي
واحاول اشرب اناناس كل ما تسمحلي الفرصه
وتقريبا يوميا اسوي رياضة البطن
وكل يوم تقريبا من بعد الاكل اشرب جاي اضر مع ليمون
لكن للحين ما قست ولا شيات ولا ابغي اقيس خخخخخخخخخخخ
مافي حد احبطني … لكن انا ما احب اجوف عمريه متينه اتعقد خخخخخ
وقياسي للحين بين الميديم والارج
وانا بصراحة متينة وكل يوم احد يغثني بالتعليقات
واعزم اني انحف والتزم يومين ولا ثلاث او اسبوع بكثيره
واقطع
وارد مثل اول