شحالكم يا بنات ؟ عساكم بخير وسهاله
حبيت اطرح لكم تجربتي الشخصيه في توديييع الضعفففف
انا سلمكم الله كنت ازييغ من ضعفي خخخخخخ
جد والله كان وزني نازل عن وزني الطبيعي 17 كيلو !!!
يعني تتخيلون , عظم ويلد بسسس
وطبعا انا اكررررره الادويه واكره نيوترشن
واكره اي شي خربطان وفيه كيماويات او شي صناعي
بقولكم السستم الي اتبعته
وخلال شهـر ونص او اقللل
بفضـل الله وارااادتي
زاد وزني 12 كيلو
* ماشاء الله لا قوة الا بالله*
صدقوني الطريقه سهله وما يبالها لا علاج ولا سموم قاصين علينا بها
نبدا بسم الله يا طويلات العمر
اول شي
خلي اكلج 3 وجبات عاديه , يعني الوجبه الطبيعيه لا زايده ولا ناقصه
ثاني شي
الحليب الفريش , المراعي او الروابي ما تفرق اي شي تلقونه
المهم يكـون مضـــااعـــف الدسـم << وهذاا هو العامل الاساسي الي متني
كلللللللل يوم اشربي كوبييين حليب فريش مضاعف الدسم
كللللللل يوم بدون اي تقصيير او تفويت
وصدقووني انتوا والمتن رباااعه
ثالث شي
الموووز وما ادراك ما الموز
بتحسون عماركم انكم غديتوا سبلان خخخخخخخ
بس عادي عادي صدقوني كل شي يهوووون
كل يوم كليلج من 1 الى مالا نهاايه
ههههههههههه كثر ما ترومين كلي مووز
رابع شي
اذا انتي من النوع الي تحبين الجبسات والمكسرات والحلاويات
مززززري حجرتج بهن
اي وقت وانتي ملانه وانتي ع اللاب توب وانتي
تقرضي من ها المسكرات ومن ها الجبس
بالذات المكسرات لان فيها دهون وايد
الكاجو واللوز واي شي تحبونه
خامس شي
الريــااضه ., هيييه نعم
الريااضه ولا تطاالعنيه جييه هههههه
مادري ليش الناس حاطه فبالها ان الرياضه للمتان بس, هاي النظره خاطئه للأسف !
الرياضه مالها علاقه بشكل جسمج او حجمه
بالعكس هي تحرك جسمج وتنشطه وتنشط العضل
اذا تقدرين تشتركين فالجيم بيكون افضل واحسن, وبعد كل حصه رياضه كلي !
لاااااااازم تاكلين عقب الرياضه لان الاكل عقبها يمتن
شربي كوب حليب مضاعف الدسم وكلي وياها وجبه
لو ماقدرتي تسيرين الجم لضروف خاصه
عادي تحركي فالبيت, عليج بالمشي وبعض الحركات الي تقدرين تسوينها فالبيت
طلعي فيدوات من يوتيوب وقلديهم !
وخلاف كلي شي
السبب الرئيسي للرياضه فها النظام الي اقولكم عنه , هو تقسيم الجسم بشكل صحيح ..لان انتي فجأة شربتي حليب مضاعف الدسم وكلتي موز و غيره غيره من الاشياء الي تمتن
فممكن انها تسير فأمااكن غلط , مثلا تسويلكم كرشه او افخااذ بس !
فلااااااااازم الرياضه والحركه عشان توزع جسمج صح وتقسمه صح
شهر او شهرين بالكثير
وشوفوا شقايل بتغدي اجساامكم
والله الشاهد اني شخصيا مجربه هذا الشي
بدون لا يقص عليه دختر وبدون لا اتبع رجيم من النت
روحي سويت هذا كله واللهم لك الحمد النتايج فوووووق ما توقعت
وحبيت اني افيدكم وافيد كل من يعاني بالي كنت اعانيه
ولا خير في كاتم العلم
دعواتي لكم بتحقيق مرادكم
وداعواتكم لي بالتوفيق الزوج الصالح
يزاكم ربي الجنه
فمان الله
.gif "12 (74)")
.gif "44 (33)")
انا ماا ابا الـ 17 ابا بالكثييييير 8 كيلوااات .. احس ما بتقييييد به لاني خلااااااص يأست 
انتيكم عمرج يعني 
؟؟ انا عمري 16 ابا اشووف الفرق بس
جربت واايد اشياااء بس ما اعرف .. بحاااول اسويها و امشي عليها فالصييييف لان الحين دراااسه و ارففف ..
والسموووحــه ^^
عقبالي اهئ اهئ
انا وزني 41 و زدت خلال اسبوعين كيلوين وصار 43
عقبااال ما اوصل 50