تجربتي مع اكتئاب بعد الحمل وفنهاية طلع السبب عكس توقع الجميع؟؟؟

كنت كل ما اطلع اييني اختناق ونوبات فزع يعني قلبي يدق بسرعه احس الموت قريب مني احس جسمي كله يعرق وكنت اقول خلاص انا حياتي بتنتهي بهاللحظه وعلا طول انزل لاقرب مستشفى ويفحصوني واخر شي الحالة تختفي واهدى ولاكانه صار شي ويعطوني ادوية مهدئات لكن ما كنت اخذها لانه مفعولها بس يخلي الواحد كله راقد وكنت اخاف اكلها وارضع ولدي …………

الا في يوم كلمت دكتوره من الاهل ونصحتني ارووح افحص هرمون الغدة وقبل لا افحص تميت ادور في الانترنت عن الاعراض ولقيت فعلا اعراضي مثل اعراض لي فيهم الغدة الدرقية

خصوووووووووووصا اني كان وزني ينزل بشكل كبير ونوبات قلق وخوف وفزع

وبالفعل رحت عند دكتور وطلع عندي زيادة افراز هرمون الغدة الدرقية (التهاب الغدة النفاسي) بمعنى اخر (نشيطه) ما تصدقون اشقد ارتحت مب لانه فيني المرض بس لاني عرفت شو السبب

الدكتور هو استشاري في الغدة وطمني انه الموضوع ابدا مافيه خطر لكن هذا الشي ممكن يصير حق الامهات بعد الولادة ويمتد لحد 6 اشهر يعني يكوووووووووون مؤقت (نسبة الشفاء 90 بالامية)

قالي ما يحتاج اخذ علاج لاني مؤقت بس طبعا الحريم لي يفكرون بالحمل خلال هالمدة لي هي (ست اشهر بعد الولادة لحد سنه) ممكن ياخذون العلاج لانه يؤخر الحمل

وهو اقترح انه من الافضل اخلي كل شي يمر طبيعي وما اخذ العلاج وانمااا افحص كل شهر لحد ما يرد طبيعي

وهاذي هي تجربتي خواتي .. يمكن كثير منهم يمرون بهالشي اكتئاب يستمر لفترة غير عن الفترة الطبيعيه وما يعرفون شو فيهم ويعيشون في ازمة قلق وخوف بس انا اقووللهم اتطمنووو خواااااااااااااتي الهرمونات طبيعي تتلخبط بعد الولادة وسبحان الله جسم الحرمة يرد طبيعي لكن يباله فترة ..

ومعلومة حلوه بغيت افيدكم فيها .. ترا نفاس المراه مب بس 40 يوم وخلااص اصلا النفاس بالنسبة للطب يمتد لحد 6 اشهر بعد الولادة في جسم المراه