تجربه الخواتي الي جربن يربن بابره الظهر افيدونا

الله يسهل عليج يارب ..انا بعد فخاطري اجربها المره

عزيزتي لا تستخدمين الأبر مب زينة يعني عادي تتشللين لا سمح الله من اي حركة بالغلط لان الظهر هو عمود الجسم

انتي توكلي ع الله وأقرأي سورة الزلزلة وانتي تولدين وكلي تمر متعوذي من الشيطان لان لن يصيبك الا ما كتب الله لكي يداتنا اول لا ابر ولا شي شوفي ما شاء الله كل بيت 10 و20
والله يسهل عليج ولادتج

خالتي كانت ولادتها قبل شهر وجربتها ابره الظهر وما تحس بالام والولادة كانت طبيعيه… بس بعد ما خف البنج ياها الم خفيف والحمد لله هي بخير …

بس هالابره خطيره يعني اي غلطه فيها يمكن تنشلين… نصيحه ولدي طبيعي واقري القران وتحملي الالم وبالنهايه كله اجر وعافيه

انا جربتها رووووعه
بس ترى ما يعطونج لين 4 سم
ويوم الياهل يبا يطلع اتحسين بالعوار لانه بس يخدر الظهر يوم الياهل ينزل المنطقه السفلى ما تكون متخدره
بس والله يريح على الاقل من 4 سم لين 10 سم وقت الولاده اتكونين متخدره وما تحسين سوالف وضحك بس يوم وقت البوش خلاص اتحسين بالويع خاصه انتي بجر بتطولين

وخواتي جربوا ارتاحوا واستانسو بس اخت وحده اتبهدلت ولا نفعها بس ما ضرها ما نفعها لان الياهل من البدايه كان تحت وما استفادت من الابره

هالكلام 20 سنه قبل
اللحين بكل سهوله يعطونج وينصحونج فيها الدكاتره
وما يعطيج الابره الا خبير تخدير يعني ما يخوف