هلا اخواتي ..حبيت اسوي تجمع لنا للي بأول المشوار ..ويارب يثبت حمل كل وحده توها حامل والله يارب يرزقنا بالذرية الصالحة .
أنا اول مادريت اني حامل ماصدقت طرت من الفرحة((لاني مسقطة اكثر من مرة)) ويارب يتمم لي الحمل .طبعا في مواضيعي السابقة قلت لكم عن ريلي سافرعلاج ربي يحفظه بتاريخ27 -10 ودعواتكم ان ربي يرده شافيا معافا .. وقبل ثلاث اسابيع كنت تعبانه وياني نزيف بس مش دورة وفحصت والحمد لله طلع حمل وكان ودي اخبر ريلي بطريقة غير ..سمعت عن اللي سوت هدية حق ريلها بوكس صغير وحاطة جواتي بيبي حلوة هذي ..وشو اسوي دام اكثر الوقت انا وريلي على المسن .أقوم اصور تحليل الحمل وظاهر خطين واضحين واطرشه ايميل اول شئ صور ورود وكلمة مبروك وبعدين صورة التحليل ..وطرشت حق ريلي رساله ان يشيك على الايميل …وماهي الا دقايق ومتصلي <<<كانت احلى مفاجأة له وحبيت انها تكون حلوة علشان نفسيته وادريبه هو تعبان .
وعندي انا بنت وولدين وودي ببنت ياااااارب يرزقني بالذرية الصالحة ..
أكيد طولت عليكن بالسالفة,,وياليت كل وحده تخبرنا اذا اول حمل ولا لا وكم عندها ..ووين تراجع ..
أنا عن نفسي اراجع بالعسكري في دكتورة حبوبه هناك اسمها ندي عراقية فديييتها تعاملها وايد حلو ..وعطتني موعد عقب اسبوعين نتطمن على البيبي اذا فيه نبض .لانها خايفة من النزيف اللي ياني باول الحمل..
وموعد الولادة 15-7-2017 >>>> انا متفائلة بشهر 7 ريلي وعيالي الاثنين الاولاد بنفس الشهر ..
وإن شاء الله ياحي ياقيوم نلحق على تجمعكم يارب أنا وباقي البنات المتأخرين
أحبه الغالي حياج الله ويالله نترياج بتجمعنا ويارب تبشرينا وتلحقين علينا …
انا بربي 4/7 بس انا متأكده اني بربي بشهر6 او نهاية 5 لووووووووووول
والله العالم
المهم هذا ثاني حمل لي .. وعندي ولد من قبل فديته الله يحفظه عمره سنتين وشهرين .. والحين يارب اتكون بنت .. وبعدني ماسرت اراجع لوووووول .. لاني ابا افتح ملف فالمفرق وانا براااااك .. كل يوم اقول باجر ..
لاني بحملي الاولي كنت اراجع فالمفرق وربيت عندهم ..
وانا حاسة اني من ادخل التاسع بربي لان كل ولاداتي ما اكمل الشهر التاسع ..
بنات والله اني ذابحني الوحام بمووووت ماقدرت اتغدا توحمت على اكل البيت …اوووووووووووو الله يعيني …واكلت لي نص صمونه وماقدرت اكملها …