مبروك عليكم الشهر و ربي يغفرلكم و يتقبل صيامكم
شو رايكم نفتح موضوع يكون ملتقى للبنات الماستر من كل الجامعات
كل وحده تدخل تقولنا :
اسم الجامعه :
الماستر اللي ماخذتنه:
مستجده و الا خريجه و الا بعدها تدرس :
شو رايج في الجامعه :
شو رايج في البرنامج اللي تدرسينه …. المواد و البحوث :
مستوى البرنامج يعني صعب الا مقدور عليه :
شو رايج في الاساتذه و اسلوبهم :
يا ريت نشوف تفاعل حلو لان الفايد للجميع و ممكن كل وحده تستفيد من الثانيه
و انا ببدا :
اسم الجامعه : جامعة ابوظبي فرع العين
الماستر اللي ماخذتنه: مسجلة حاليا ادارة اعمال
مستجده و الا خريجه و الا بعدها تدرس :مستجده بعدني الدراسة في شهر 9
شو رايج في الجامعه : لين الحين ما اعرف ان شاء الله خير
شو رايج في البرنامج اللي تدرسينه …. المواد و البحوث :سمعت من الستاف هناك ان البرنامج وايد يسجلون فيه ان مقدرو عليه
مستوى البرنامج يعني صعب الا مقدور عليه :و الله حد يقول صعب و حد يقول زين ما نعرف و الله
شو رايج في الاساتذه و اسلوبهم : بعدني ما تقابلت معاهم
ياريت الي عندها خبرة في البرنامج الي انا مسجلة فيه تساعدني
و لكم جزيل الشكر
و بالتوفيق للجميع ان شاء الله
انا بعدني ما سجلت ماستر بس افكر اخذه و محتااااارة شو اخذ اي تخصص 
ما احب البزنس ولا الموارد البشرية…..ابغي شي غير
الله يسلمكم انا مقدمة على دراسة ماجستير في معهد مصدر للعلوم والتكنولوجيا تخصص هندسة مياه وبيئة
تابع لشركة أبوظبي لطاقة المستقبل واللي تابعه بدورها لمبادله
بس للحين ما ردوا علي مقبوله والا مب مقبولة ^_^
انا بعد تاريخ 19 سبتمبر بسير اسجل ان شاء الله
بسجل في جامعة الحصن في ابوظبي ماستر في التربية