اشحالكم كرروشات
انا اول حمل لي
واحين دخلت السابع بروح اخذ اغراض للبيبي مااعرف في شوو ابدا
وشو احسن الماركات..~
وين احسن المحلات في الشارجه..؟
يعني الشامبو الصابون والكريم اي ماركه اخذ
جونس ولا شو..؟؟
ياررريت نصايحكم يامجربات ..~
خذي الفنايل الشد الداخليه من بيبي شوب والافرولات بعد من عندهم والبدل من نكست وعنج مامز اند بابز
والقماطات والسبابيح من السوق الجديم
ومستحضرات الجسم انا استعمل افينو وسيباميد
مااحب جونسون
وافرولات نكست حلوه وماتخترب
عندج بعد ماركس ان سبنسر في اشياء حلوه
واذا تذكرت شي برد
والله يسهل عليج وعلي الولاده
انا للحين مابديت اتشرى
بالنسبه لصابون البيبي انا مفكره اني اخذ من بدي شوب مجموعه استحمام للاطفال لانه كله منتجات طلبيعيه
بالنسبه للمراضع انا بخذ كله زجاج لانه افضل بس ماعرف شو افضل ماركه
ونصيحه خذي للبييي اول الايام اللون الابيض الرسول ذكر هاللون لما انولد الحسن رضي الله عنه
وان شاء الله النبات المجربات يخبرونا
^_^
وياليت بصوور عسب نستفيد
ان شاء الله البنات بيفيدونج
أشتري نيو بورن كمن واحد ومن 0 -3 أكثر عشانهم يكبرون بسرعه
والأفرولات هاللبس الكامل من مذركير ألحقي الحين مسوين تنزيلات ومن نكست عندهم أشياء غاويه
والبدل والجينزات وهالسوالف أشتري من 3 شهور وفوق لأنه البيبي أحسه ما يتحمل هاللبس من صغره
ثجيل ومب مريح
وموفقه الغاليه
و بيبي شوب الافرولات و الفوانيل و اللفافات
بالنسبة للكريمات و الشامبوهات سيباميد من الصيدلية