ترددت قبل لا انزل الموضوع

السلام عليكم
ترددت قبل لا أنزل الموضوع …
بس هالموضوع صار وايد يضايقني ومااعرف شو اسوي
القصه هي محد تقدم لي لين تخرجت من الجامعه وجاتني فتره حسيت بالالام ومااقدر انام سرت مستشفيات الفحوصات سليمه انصحوني ان اخلي مطوع يقرا علي وقرا علي المطوع هذا الكلام قبل 4 سنوات وتعبت ورجعت حتى خيوط دم قال هذا انا ماكله سحر قديم ومن زمان فيني المهم من شيخ لي شيخ تحسنت حالتي عن قبل بس ليحين ماتغير شي انصحوني بسورة البقرة 40 يوم قريتها وصدق انخطبت بس ماشي نصيب ورجعت وقريتها نفس شي انخطبت وماصار نصيب وبعد نفس الشي ثالث مره المهم اني ماخليت خلطه ماسويتها بعمري احس ان عمري يطوف وانا ع هالحال دوام بيت درست سويت كل شي المهم اني لما اكون في مكان صدق الفت الانتباه وحلوه بس ماشي حظ كانهم عميان عني لدرجة ان يسالوني تعرفين بنات لخطبه وهالفتره الاخيره زادت وهم يسالوني المشكله ناس من اهلي بعد يسالوني ويعجبونهم بنات اقل مني بوايد صار يضايقني هالشي وحتى لو ماجاوبت بيقولون عني محتره ومالومهم لان فيني سحر يعميهم عني بس لي متى مليت عمري يطوف وانا بس انتظر وانا ليحين اقرى سورة البقرة وادعي واستغفر بس موضوع السحر والوضع لي انا فيه يضايقني المشكله مهب قاصرني شي او اني امدح عمري لا هذا بشهادة كل لي يعرفني بس لي متى اكبر في العمر ع ولا شي

((دعواتكم ))

يارب يرزقج بالزوج الصالح عاجلا غير اجل ويشفيج اختي من كل شر

الله يرزقج الزوج الصالح ان شاءلله

الله يفرج همك ويرزقك الزوج الصالح, يا اختي رب العالمين يعميهم عنك لخير لك , كوني على ثقة بالله واحسني الظن فيه , وتذكري ان امر المسلم كله خير , حتى الشوكة يشاكها خير , ولكن علم الانسان قاصر, وكوني على ثقه ان لا سحر ولا غيره ممكن يمنع عنك رزق كتبه الله لك

أسأل الله العظيم رب العرش الكريم ان يسعد قلبك عاجل غير آجل

واضبي على قرايتج للقران كامل مب بس سورة البقره والاستغفار واذكار الصباح والمساء والله بيرزقج ان شاء الله بس لا تتشكين للخلق قريت وما صار وما استوى

يمكن انتي تواضبين علئ سوره البقره ويوم تنخطبين توقفين قرايه وما يكتمل موضوع الملجه

عشان جي كملي لين يستوي الزواح والله ايسر لج امرج ويكتب لج الخير وين ما كان ويسعدج لو كنتي متزوجه او عزابيه

حاولي اختي على سوره البقره اختي وان شاء الله تنجحين في الزواج

ولكن حاولي بعد تقوين الايمان يعني خلي الامور كووووول وعادي قولي في خاطرك نصيب ……في ناس مافيهم سحر ومب ملاقين اختي..عادي

فخلي لامور بسيطه ….ودليهم على بنات يقولون الواحد يوم يمشي في درب خير ويخلص حاجة مسلم كانه خلص حاجته هو……….

فعادي تتعلمين وتصيرين احسن وواظبي على القرآن والصلاه

انا مثلك بس في موضوع ثاني يعني انتي الحين على الاقل خلصتي دراسه وتشتغلين

انا …..حامض على بوزي يادوب خلصت جامعه وانتحست مني هههههههه

لا شغل ولا مشغله كل ربيعات اشتغلن او تزوجن او حصلن درجات علميه اكبر وانا محلك سر

عرفتي علي

زمان يوم ادخل مكان واشوف وحده موظفه تحسين شكلي تغير تقولين شو فيها هاي…. من كثر ماريد الشغل

الحين تعالي شوفيني طنشت اخر مره شكيت فيها من كم يوم

ومن بعدها توبه مبسوطه وكوووووووول والله يوفق الجميع يارب

المهم امي مرتاحه وطيبه وانا بعد امشي اموري على قدي واصحى وانام واسوي شو في براسي ……ليش عوار الراس