ترك البامبرز و استخدام الحمام ؟؟

بغيت طرقكم العجيبة في تعويد الطفل على ترك البامبرز و استخدام الحمام ؟؟ لأني احسن أن ولدي مايستوعب هذا الشي للحين و اللحين هو عمره سنتين و3شهور

هلا أختي ..بالنسبة لسن ولدج ..سن مناسب ,لاحظيه ..اذا شفتيه بعد رقاد الظهر البامبرز جاف .. يكون هذا الوقت المناسب لبدء التدريب .. اذا صحا من النوم الصبح .. خذيه على الحمام وغسليه ويلسيه على القيصريه ..( ملاحظة : الافضل تكونين شارتنها قبل كم يوم وحاطتنها في الحمام عشان يشوفها وما يستغرب وتقوليله هذا حق ال………في كل مرة تدخلينه عشان تغسلينه )
واذا سوى شي فيها صفقيله وعطيه بوسه .. واذا ما سوى شي خليه بدون ما تقولين شي ..طبعا يباله مراقب فترة وتحسين انتي اذا وقت الخروج ماله حاولي تودينه بسرعة …ودايما خلي ملابسه جافه , يعني اذا بللها شوي ولوقطره , بدليها لأن بعدين بسرعة بيحس وبيقولج …
للتأكيد : جهزي القيصرية والملابس الاضافيه قبلها بفترة .. خلي دايما ملابس البيت من النوع الخفيف عشان بسرعه تبدلين يعني خذيلج كمية من البيبي شوب أو أي محل اسعاره معقوله ..
والسموحة على الاطالة

هييي والله موضوع مهم

أنا ولدي عمره 3 سنوات وما يتكلم وألاقي وااااااااايد صعوبة معاه أنا مو مشتريه القصرية مشترية ها اللي ينحط فوق الل………… لأنه ولدي كبير أحس شي مادري
بس مادري يعني لما أحطه ما يسويها أول ما ألبسه الثياب ع طول يسويها والحل

مشكورة عزيزتي.. بحاول اتجرأ و ابدا معاه و الي عندها خبرة زيادة لاتقصر و يانا

انا ولدي اتعلم بالمكافاة كل ما يطلب حلاوة اقوله اتسير الحمام بعطيك ويسير واعطيه فتم هو كل ما يسير يقولي يلا انا سرت عطيني حلاوة وشوي شوي يتعلم واذا وسخ اثيابه اقوله ماشي حلاوة لانك ما سرت الحمام وروحه ايقول اخر مره مرة ثانيه بسير الحمام وانا اقوله يوم اتسير الحمام خبرني وبعطيك حلاوة والحمدلله اتعلم وقام الحين يسير بدون حلاوة

ملييييييييييييييييييت

مشكورين حبيباتي و بنجرب الحلاوة