في هذا الرابط
https://forum.uaewomen.net/showthread.php?t=966070
المقادير
2 كوب طحين
4 بيضات
1 كوب سكر
1 كوب عصير برتقال فرش
3/4 كوب زيت نباتي
2 ملعقة صغيرة باكنج باودر
رشة ملح
قشور برتقال
ملعقة صغيرة فانيليا
الطريقة (نقلتها من الشيف شوكولاته)
على جنب ننخل الطحين ونضيف عليه البيكنغ باودر والفانيليا والملح ونتركهم على جنب
نسيت اصور هالخطوة واستأذن من الشيف شوكولاته ولأني باخذ صورتها
في خلاط العصير نضيف البيض والسكر ونخفقة لحد ما يذوب السكر ويصير لون الخليط فاتح جداً . نضيف عليه قشور البرتقال والزيت النباتي .
ونضيف أيضا عصير البرتقال
نخلطهم لحد ما تندمج المكونات مع بعض.
وبعدين نصب الخليط على مزيج الطحين والباكنج باودر
نخفقة لحد ما تندمج المكونات مع بعض بشكل كامل
نصب خليط الكيك في الصينية الي اخترناها
طريقة الخبز :
نولع الفرن على حرارة 190 درجة نخلية لحد ما يسخن لحوالي العشر دقائق . وندخل الكيكة على الرف الأوسط ونخليها لمدة ربع ساعة وبعدين نوطي على النار لدرجة 130 درجة ونخليها لمدة 20 دقيقة . بتكون انتفخت ونضجت بشكل كامل وبعدين نولع عليها الشواية او الفرن العلوي ونحمر الوجه
وهاي نتيجة تطبيقي للكيكه ^_^
التصوير يبين ان الكيكه غامجه بس على الطبيعه الكيكه ناعمه ومطبوخه عدل ولونها برتقالي فاتح
وبالعافيه
بالعافية
انا سويتها اليوم كـ تحلية بعد الفطور بس ما ضبطت وايد (ما طلعت هشه مثل ما كنت متوقعه)
رغم اني اتبعت الطريقه بحذافيرها
لكن بالنسبه للـ طعم فـ الكيكة لذيذه ما شاء الله
و هذي صورة تطبيقي
:
:
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .
أنا اطبخ كل شيء كل الاكلات تضبط معاي شرقي غربي خليجي هندي صيني الا الكيك ما عرفت أضبطها الى الان مدري ليش ابوي يقول حد صاكك عين مدري ليش ما تضيط اليوم سويت نفس الكيك طلع مو حلوو ابد واحترق من تحت
سويتها اليوم بس المشكلة طلعت محروقة من تحت يعني طولت على نار الفرن شكلي
يعني طعمها مب بطال بس يبالها اعادة تصنيع
وبالعافيه على قلبكم
وانا بعد طبقتها ^__^