اشحاااالكم بنات ان شاء الله بخييييييييييييير
طبعا انا من زمان و انا افكر في هالعملية اللي هيه شفط الدهون .. لاني الحمدلله وزني قريب من الوزن المثالي و لكن عندي زوايد عند خصري و بطني مب طايعه تخوووز ابدا .. المهم في نص رمضان اقتعت بو العيال يوديني بس اسأل عن العملية .. المهم سرنا مركز كوزمسيرج اللي في جميرا و سألتهم .. قالولي اذا تبين موعد عن دكتور ريال بيكون باجر و اذا تبين دكتورة حرمة ماشي غير بعد اسبوعين .. قلت مب مشكلة بنتظر .. و يا الموعد .. يوم الاحد اللي عقب العيد .. موعدي كان ويا دكتورة سحر القزاز ..
المهم رحت .. واول سؤال كان "خبريني شو مضايجك من جسمك؟" .. قلتلها الزوايد اللي عند خصري و بطني .. و بعدين كشفت علي .. طبعا لازم تشلحين ثيابج كلها .. قلت الحمد الله الحمدلله اني طلبت دكتورة حرمة !!!!!! المهم .. قالتلي جسمج متناسق بس في 3 اماكن يبيله شوي شغل ..
المكان الاول هووه زوايد خصري .. قالتلي عادة الحرمة تخزن دهون في الارداف و قليل جدا يخزنون في هالمكان .. قلتلها و الحل؟ قالتلي بشفطه كامل .. يعني اذا متنتي بعدين المكان هذا ما بتتكون فيه دهون ابدا ..
قلتلها طيب و المكان الثاني .. قالتلي بطنج و لكن بسويلج شفط جزئي ,, و السبب ان اذا سوتلي شفط كامل لازم اسوي شد بعدها و انا ناوية احمل بعدين و الشد يخترب من الحمل .. و الشفط الجزئي بيخفف من البطن و اذا متنت بعدين الدهون ما بتتيمع كثر الحين ..
طيب .. المكان الثالث .. قالتلي بشيل الزوايد اللي على جوانب الارداف .. لانها كانت بارزة عندي شوي .. قالتلي بشيلها كامله عشان يتعدل شكل الفخوذ .. تقول الدكتورة بعد العملية اذا زاد وزنج فبيزيد و بيترسب في اماكن ثانية ما سوينا فيها شفط فلازم احافظ على نفسي .. و طبعا انا محافظة الحمدلله
طيب و سؤاااااالي المهم .. هذا كله كم بيكلفني؟؟ .gif "12 (26)")
قالتلي 20 الف .. و بيني و بينكم انا استانست لاني اتوقعت اكثر .. المهم قلتلها طيب و اذا فكرت اسوي شو الاجراء ؟؟ قالتلي تاخذين موعد للعملية و الفحوصات … 
طبعا رجعت البيت و انا افكر و افكر .gif "12 (29)")
.. و بو العيال يحاول يقنعني اني ما اسويها .. لان خايف من اللي يسمعه و جيه .. و انا بعد كلمت كذا وحده في المنتدى مسوين العملية و الصراحة طمنوني و خبروني عن النتايج الرائعه ..
المهم .. بعد اسبوعين من التفكير و الاستخارة .. خذت موعد التحاليل .. كان يوم الاربعاء اللي طاف (23-10 .. رحت عند مساعدة الدكتورة .. سويت فحص الدم و صورولي المناطق اللي بيشتغلون فيها .. و بعدين رحت عند دكتورة التخدير .. طبعا الدكتورة كانت تقنعني اني اسوي تخدير نصفي .. و انا خايفة من ابرة الظهر .. و قلت لدكتورة التخدير ابغي تخدير عام .. قالتلي لييش و العملية بسيطة جدا و ما يبيلها !! و بعدين بالتخدير النصفي بتكونين صاحية و نسولف معاج و نخبرج احنا شو يالسين نسوي و عادي بتستمتعين .. و اذا تعبتي خبريني و بعطيج ابرة تنامين .. و عن ابرة الظهر قالتلي ما بتحسين فيها لان بنخدر المكان اللي بنعطيج فيه الابرة .. ما بتحسين بشي ..
المهم .. اخيرا اخترت التخدير النصفي .. ووقعت على العملية .. و عمليتي بتكون يوم الاحد .. 26-10 ان شااااء الله ..طبعا لازم اصوم من الساعه 12 يوم السبت و اروح المستشفى يوم الاحد الساعه 7 و نص
نسيت اخبركم .. ال 20 الف تضمن الفحوصات و العملية و اقامتي يوم في المستشفى .. و تضمن اربع جلسات مساج .. و تضمن متابعتي مع اخصائية تغذية (تعطيني رجيم و رياضة) عشان احافظ على وزني .. و تضمن المشد اللي لازم البسه 3-4 اسابيع .. و طبعا لازم توقعين على ورقة انج بتلتزمين في لبس المشد لان مهم جدا في نجاح العملية …
طبعا بعد العملية برجع و اخبركم شو صاار .. و شو النتايج .. و بشو احس .. و الالم … فتابعوني و انتظروني .. و ادعولي الله يقومني بالسلامة ..
في امان الله
وإن شاء الله توصلين للي تبينه
وتوصلين لنتيجه اللي ترضييج يارب
نترياج اتخبرينا عن تجربتج .. واذا تنصحين فيها ولا ^^
وإن شاء الله توصلين للي تبينه
نتريا النتايج