تعبت نفسيا من موضوع العيال

السلام عليكم والرحمه خواتي الغاليات شحالكم عساكم اطياب صارلي فتره ماادش هالقسم من الضيق اللي فيني والهم ولله ياخواتي اني كل مااحاول اعالج يتعرقل هالموضوع اول مره فامريكا ورفضو وعقب الهيىه ورفضت وعقب وليد وطفرنا منه وعقب توام ونفس الشي ماحصلنا اهتمام من حد ولاحصلنا مساعده من حد للعلم ريلي عنده مرض وراثي ماله علاج فالبلاد والعلاج برع البلاد غالي وايد والديون مب مساعده احس خلاص يمكن مامكتوب لي ايب اعيال صار لي خمس سنينن والمشكله الناس مااترحم وصرت اكره اشوف حد اللي اصغر عني وبنات خواتي عيلن وانا لا مااريد اقول انه من.ريلي لانه ماايهوون عليه حد يجرحه او ايذيه او يحسسه باي شي واذا يقولون مني اقول هيه مني الحمدلله الحمدلله يالله صبرني ولكن مااقدر اقول غيرلاحول ولاقوه بالله اليدقصيره والعين بصيره

عليج بالصبر فديتج ربج لا ينسى عباده أبدا
خلج صبوره وما عليج من كلام الناس

اصلا شو ما سويتي الناس رح تتكلم سواء كان الشي زين او الشين

خلج قريبه من ربج دايما وان شاءالله بي يوم الي ربي رح يفرجها عليج

وان شاءالله تحملين وتبشرينا بخبر حملج يارب

امين الغاليه ربي يرزق كل محرومه

حبيبتي الله يرزقج بالحمل ولاتضيجين بروحج بالعكس من كلامج مبين ان ريلج ريال طيب وهاي روحها نعمه في بنات يمكن الله رزقهم بالضنا بس مارزقهم حياه سعيده وانتي فكري من الجوانب الايجابيه وترا النفسيه نص العلاج استمتعي بحياتج ولاتخلين هالموضوع يكدر صفو حياتج ومتى مارب العالمين كتبلنا نحمل بنحمل سواء بالعلاج او بدونه ونحن نسعى والله يرزقنا

الله يفرج همج ويعافي ريلج ويرزقج الذرية الصالحة فاقرب وقت,,

الله يرزقج

واكثري من الاستغفار وقراة البقرة…

كلام الناس ماينتهي وانتي سايريلهم

لاتقنطي من رحمة الله إن الله مع الصابرين
ربي يرزقج الذرية الصالحة ويعطيج حتى يرضيج