تعديل على:ريجيم يموّت من الجوع،بس فعّال!!

السلام عليكم و رحمة الله و بركاته،
أخواتي الحبيبات للأمانه حبيت أعدّل على الريجيم اللي نزلته و ذلك لأن البرسونال ترينار (personal treaner) بتاعتي لما قلت لها عليه قالت لي أحسن لك تعدليه و هو مو تعديل كبير ، قالت لي أبدل المرتديلا بصدر تركي (الديك الرومي ) اللي ينباع جاهز عباره عن شرايح زي المرتديلا و مكتوب عليه :صدر تركي بالفرن، و أبدل الخبز المحمص برقائق القمح اللي زي الكريكرز ، و كمان نصحتني أكثف شوي من البروتينات و ألغي النشويات من العشا و الغدا على الأقل في البدايه عشان ينزل وزني، و بخصوص السلطه قالت لي أضيف خضروات خضراء مسلوقه مع السلطه مثل : البروكلي و الفاصوليا الخضراء و السبانخ.
حبيت أخبّركم للأمانه عشان ما تستمرو على شي ممكن ما يساعدكم.
إدعولي يا بنات الله يقدرني و أستمر،و ما تنسو إنه إلكم نصيب من دعواتكم لي ، و دمتن بخير

ربي يوفقج حبوبه وان شاءا لله توصلين للوزن لي تبينه ..وانا بعد شراتج باديه برجيم وان شاء الله اكمل بس لو تكتبين لي الرجيم لي ماشيه عليه عشان استفيد لانه رجيمي من نفسي مسوتينه يعني ممكن تقولين تخفيف لكميات الاكل مع رياضه بس..لج تحياتي^_^

هلا نوف ، الريجيم موجود منزلته و هو بعنوان :ريجيم يموت من الجوع بس فعّال، و على فكره لا يموت من الجوع و لا شي بالعكس آكل و يزيد من وراي الكميه اللي أجهزها، و أحب أضيف شي نسيت أكتبه في التعديل و هو : البيض كلي بس البياض لأن الصفار غني بالدهون و الكولسترول، و حطي على الأكل زيت زيتون و خل حتى لو بالساميك، وإذا تروحين مركز رياضي لازم تاكلين بين الفطور و الغدا فاكهه صغيره أو لبن قليل الدسم حتى لو بالفواكه، و بين الغدا و العشا نفس الشي، هذا حسب ما قالت لي البرسونال ترينرو أي استفسار أنا موجــــــــــــــــــــــــــــــــوده

حياكي الله شيما