انا حامل في اواخر السابع بعد خمس ايام بدخل الثامن … وهذا حملي الثاني ..
والحمل الثاني كان صدفة بدون تخطيط … لاني حملت بالثاني وولدي الاول كان عمره 5 شهور …
وولدي الله يهديه من اول ماولدته وهو كله حياته صياح في صياح حتى في المستشفى حتى خواتي اللي كانن بايتات عندي يدورن فيه طول الليل واليوم الثاني ياتني النيرس تقول خلاص احنا بنشله عندنا في الحضانة عشان حسن فيني كيف كنت تعبانة من الولادة ربيت في الويكند بعد الدوام وطلق 3 ايام لا اكل ولا شرب وسهر و الحمى اللي ياتني عشان الحليب … طول الليل يصيح وفي الصبح مايرقد الا ساعتين يمكن وانا اللي تبهذلت معاه لدرجة كنت اصيح وكل اهلي مايرقدون لا امي ولا خواتي والسبة ولدي ياتني حالة نفسية واكتئاب تخيلو 3 شهور متواصلة يوميا صياح وسهر والله بدون مبالغة مافي يوم رقدت مرتاحة وديته كذا مستشفى والمشكلة كانت غازات وكانو يعطوني ادوية واعطيه بس ماينفع كل شي كنت اجربه يانسون وماي غريب اخر شي استسلمت
انصدمت من الوضع وبصراحة هالحمل بالمرة ماهتميت بالبيبي الثاني كله مشغولة بولدي الاول
لانه بعده ماكمل سنة .. المشكلة اني مافتحت ملف ومااراجع الا يمكن كل ثلاث شهور مرة او مرتين
واللحين قربت الولادة وانا صدق مضايقة استغفر الله خايفة يكون البيبي الثاني شرات الاول واتبهذل واعيد نفس الموال سهر ومشاكل مع ريلي وصياح ونكد ولا عطيت نفسي اهتمام وراحة بالمرة
وخلصت اجازة الوضع وانا ماتهنيت في الاجازة ورديت الدوام … شو اسوي شورو عليه خايفة ومتعقدة
شو الحل احس صارت عندي مشكلة نفسية لدرجة يوم افكر في الموضوع ادعي على نفسي بالموت في الولادة … واللي يزيد الموضوع عندي حساسية اختي ربت وماشاء الله على ولدها ولاهمسة ولا صوت ساعات ننسى انه عندنا بيبي يديد من كثر ماهو هادي سبحان الله الله يحفظه … اسال الله يرزقني ببيبي يكون هادي ولايحملني ربي فوق طاقتي … يارب الله يهديهم ويطرح فيهم البركة يارب 
ونسيت اقولكم ولدي الاول مازال يحب الصياح وعصبي واااااااايد يوم امنعه من شي يعصب ويضرب راسه على الارض لين يصيح بصوت عالي وانحرج انا جدام اهل ريلي وساعات ماقدر اسوي عليه كنترول اخليه يصيح لين يرقد بروحه وانا اصيح معاه وارقد وانا متنكدة وريلي ياحليله ساكت مايقول شي بس هالمرة مابروح بيت اهلي بكون مع اهل ريلي عشان جيه خايفة لانه هناك محد يساعد مابشرح الظروف وايد لاني بصيح بس الله يكتب الخير ويهدي عيالي ويجعلهم نعمة لي وقرة عين ياااااااااااااااااااارب
يتمنى يكون عنده ولد بالعكس ادعيله بالهدايه احسنلج
وان شاء الله بهدا ولدج وولدج الثاني بعد بيكون هادي ان شاء الله يارب
ادعيلج من كل قلبي والله يسهل علييج الولاده يارب العالمين
وادعيلي ربي يرزقني بالذريه الصالحه عاجلا غير اجل
ان شاءالله ربي يرزقج بطفل هادي
مب كل العيال نفس الشي
بس شوفي الدنيا من ناحيه الاجابيه
عندج ولد ماشاء الله و انتي حامل الحين
ربنا رزقج
غيرج محروم من النعمه هده
ادري راح تقولين اني مو حاسه بموعاناتج بس اقولج
ولدي انا بعد صغير ما كمل سنه و حمل تاني و بتعدب معاه
عذابه متل العسل على قلبي
لما يكبر و يقولج ماما
الايام بتمر بسرعه و بتحصلين عيالج كبرو ماشاء الله
لازم تتحملي ما في عيال من عذاب
وادعيلي ربي يرزقني بالذريه الصالحه عاجلا غير اجل
لانه ولدي الاول علمني درس ماانساه …