تفضلن شــوفن تجــربتي مع الأستغفار

خواتي أنا فيوم نذرت بيني وبين نفــسي أذا تحقق هالموضووع لــي أني أطرح تجــربتي
لعــل وعســى أنفع بهــا غــيري من النــاس لي عندهم مــشاكل وهموم وضآقت بهــم الدنيا

خواتــي انا مريت الفتره الأخيره بتجآرب وايد صعبــه واجهــني مشآكل في الجــامعه
ومشــاكل من الناحيه العاطفيه وآكيد كلــكن عــارفات قصة الحب لي مريت بها من
5 سنــوات وآخرتها آكتشــاف الخيانه وخطبة من حبيته هالسنين كلـها …

المهــم مابرد آفتح موضوع سكرته من زمان ولله الحمد ..أنا بعد تجربتي هذي
خلاص تقربت لرب العالمين صآر ماحد يهمني كثر رضا ربي ولين آخر يووم في عمري
ان شاء الله ..غيرت من حياتي ووايد نظمتها ع طاعة الرحمن ..صرت أصلي الفروض
في وقتها بعد ماكنت آخرها أحيان وأصلي القيام وآقرا سورة البقره ووحاطه لي صندوق
احط فيه كثر ما الله يقدرني عليه من المال وبنهاية الشهر ان شاء الله بتصدق فيه ..
والأذكار صرت ماخليهن والتسبيح والتهليل والتكبير …….والاكثر (الأستغفــــــــــار)

صرت الحمدلله انسانه ثانيه بكل معنى الكلمه تركت الأغاني لوجه الله تركت العطر لوجه
الله ..وايد آشياء تغيرت فحياتي ولله الحمد ..صرت ادعي لرب العالمين من قلب واصيح
أحيان وابكي لعل الله يغفر لي ماتقدم وتأخر من ذنبي ..اصرت ادعي حسبي الله ونعم الوكيل
على كل من ظلمني لاني تعرضت لظلم من الجامعه ومن انسان حبيته ووفيت لعشرته وخان
العشره .ماهمني هو كثر ماهمتني دراستي والجامعه والتوقيف لي كنت موقفه ع سبة غلطه
وظلم منهم هم وانا مالي ذنب ابدن فيه ..المهم ..من يومين ياني خبر الانسان لي حبيته انه
متندم ع خطبته ويخبر الناس لي يقربوله اانه تسرع ووايد وانه وانه بس هالشي خلاص ماعاد
يهمني أذا لي حق بيآخذه رب العالمين منه موكلته عليه …والمووضوووع الاهم (مشكلتي
في الجامعه انحلت من ساعه بس ..خلاص الحمدلله برد الجامعه والامور كها صارت تمام

والله ياخوواتي ماشي مثل ذكر رب العالمين يريح القلب ..انا صرت استغفر وبنيتي اانه ربي
ينصرني وانه يوقف عندي لاني مظلوومه والحمدلله ..ربي مايخيب ظن عبده …وجان عندي
يقين برب العالمين انه بينصرني …وتحقق لي النصر ..

ياخوواتي الدنيا سآعه ..لاتضيعن حياتجن وانتن لاهيات عن رب العالمين ..قدمن لأخرتكن
قبل لا يفووت الآووان …ولا تنسن الأستغفار ..الله يجعل لك من كل هم مخرج ويفرج همومك
بّذكره ..انا كنت أستغفر ووايد فاليووم وقبل لاانام أستغفر وسبحان الله كانت حتى احلامي
كلهن حلووه واتبشر بخير ..وهذا الفرج ياني من رب العالمين الحمدلله

اللهم لك الحمد قبل الرضى ولك الحمد آذا رضيت ولك الحمد بعد الرضى ..

هذي تجربتي بين يديكن خواتي ..حبيت اني افيدكن لاني اتمنى لكن كل خير والله يعلم بي
لازمن الأستغفار كثر ماتقدرن وربكن بيكون عندجن في كل شي ..

اللي حست انها استفادت من موضوعي مآبا منها شي غير تتدعي لي انه الله يرزقني
الزوج الصالح ويوفقني في دراستي ..

بالتوفيق للجميع

هنيا لج بدايه طيبه

وقريب بكمل السنه على الاستغفاار ولين الحين ما تتحق اللي ابااه

بس سبحاان الله عندي امل ان مهم طال الزمن او قصر ان ربي رح ينولني اللي في بالي

اسال الله لي ولج توبه نصووحه وان يغفر لنا خطاينا فنحن بشر وسبحان من هو يغفر لنا خطايانا

مبروووووووووووووك لج الولاده الجديده

وحياه سعيده اتمناها لج

وربي يرزقج من خيره

والله يرزقج الزوج الصاالح وايسر امورج عنووني

والله يجعلنا من اهل الاستغفار والتوبه … ولاتنسيناااا في دعائج بظهر الغيب .