تنويه :الأربعين النووية + النتائج

إذا شاركتي في حفظ الـأحاديث وامتحتني ويانا أول امتحان ( معناتج راح اتكملين المسيرة ويانا بإذن الواحد الأحد ) والي هي : حفظ حديث كل يومين …. ( بس بما إنج يديده ومب مشتركة قبل وفي خاطرج تشتركين ) كل ماعليج إنج تمتحنين ويانا …

( إلي شاركن قبل الحمدلله حافظات والحمدلله بس يبالهن مراجعة قوية حق الإمتحان )

المشاركات حاليا : Wegdan_111 ، DeMaNy ، أبلة شموخ ، السنقباسية ، درر المحبة ، عالية28 ( مب أكيد )

والي يبن يشاركن ويانا حياهن الله

شروط الإشتراك في الامتحان الاول:

1- حفظ الأحاديث من الحديث الأول – الحديث العاشر ( + راوي الحديث ) .
2- إرسال الإيميل (للامتحانات ) .
3- عدم التغيب ( إذا العضوة ما امتحنت في اليوم المطلوب ) ينلغي اسمها .
4- الاجابة على الامتحان باللون الاخضر .
5- المشاركة تعنى إكمال المسيرة لحفظ 42 حديث بإذن الله .

للتأكيد : الإمتحان إن شاءالله راح يكون يوم الأثنين تاريخ 14 – 2 -2017 ..

عندكن 3 أيام للحفظ والدراسة … ( للمستجدات )

الامتحان راح يكون على ملف وورد ( Microsoft Word ) ، الخط بيكون بالإسود ( وإجابتج لازم اتكون بالأخضر ) و التصليح : بالأحمر! لا تغيرون الخط ولا الفونت …

أنا بطرش الامتحان على الايميل ( جيكوا الإيميل يوم الامتحان ) حلوه وطرشوه ( ماراح اصلح اي امتحان بعد مرور اليوم ) ….

النتائج : راح تظهر بعد يومين أو ثلاث من التصليح …وراح ينحط هنيه في هذا الموضوع

وبعدها راح احط الاجابات الصحيحة هنيه

وكان الله غفورا رحيما

اسمحولي على الجدية ( كل هذا عشان مصلحتكم ) …
وإذا عندكم أي استفسار ( أنا حاضرة )