السلام عليكم خواتي
الللي داخلة ويا الأخت شوق في جمعياتها ممكن تسويلي هالخدمة؟
أنا داخلة وياها فجمعيتين وحده ب 3000 والثانية ب 2024، أعرف أنه دوري في وحده منهم شهر 4 الثانية شهر 5، لوسمحتو اللي عندها جدول هذي الجمعيات تسوي اقتباس وتطرشلي اياه لأني تعبت وانا أجلب بين الصفحات فأرجوكم لا تطرشون الرابط، اللي تقدر تساعدني جزاها الله خير، بدت الجمعيات شهر 2 وأنا حولت البيزات ال (5000) حقها، ألحين أبا جدول الله يخليكم وعلى حمالي وصحتي والله ماقدر أجلس أجلب فالصفحات
مشكورين
up up
الغالية لو تذكرين اسم العضوة بالضبط يكون احسن لج
ومن بعدها تسوين بحث لمواضيعها وان شاء الله تحصلين
ومن بعدها تسوين بحث لمواضيعها وان شاء الله تحصلين
حبوبة اذا اسم العضوة بس "شوق" فانا دورت لج على مواضيعها
بس اعتقد انها بنت ثانية ومب شوق الي انتي تدورين عنها
وتراني حاضرة اذا بغيتي ادور بدالج لان ظروفج ما تسمحلج
بس اذا ممكن تساعديني وتقوليلي اسم العضوة بالضبط ^_^
والله يقومج بالسلامة ان شاء الله
ويفرحج بولدج/بنتج
ان شاء الله تكون هذي شوق الي تطرينها
تسلمون فديتكم وماقصرتوا، الحمدالله دخلت عالرابط اللي مطرشتنه الأخت سليمه وحصلت اللي أدوره، جزاك الله كل خير حياتي
السلام عليكم، بنات معقوله دوري والين الحين ماستلمت من أي مشتركة؟ بصراحة حتى أنا مالي خاطر أطرش البيزات، نحن نلتزم ويوم ايي دورنا ماشوف شي، المفروض هالشهر يدخل حسابي 21000 والين ألحين حتى ريال ماستلمت