شخباركن ربكن الا بخير ؟؟
انا والله بكتب لكن سالفه ربيعتي … حبيت اطرحها هني يمكن شوي تخفف عنها اجوبتكم .. وترتاح نفسيتها قولو امين ..
صديقتي اتعرضت لحاله اغتصاب ( في لندن ) .. اغتصبها واحد كان سكران وهي ماقدرت تقوله شي ولا تبعده عنها لانه اكيد تعرفون الرييايل كيف عنيفين .. بس قالت له شي انه هي ( عذراء ) … ف مارس وياها من الخلف والعياذ بالله ….
المهم البنت هذي اصلها —- وخافت اتخبر اهلها او اخوانها … ف سكتت عن الخبر لين يومكم هذا
والبنت ضميرها يأنبها .. حتى تقولي احيانا اتنش من الرقاد وتصارخ , تحتلم ف هذاك الشي وتجيها حاله اكتئاب ..
المهم هالبنت … انخطبت من قبل اسبوع تقريبا , والحين يبون العرس يكون ف شهر 5 ..
ف هل ريلها بيعرف هالشي ؟ وبيظلمها ؟ ولا ما بيبين ؟
علماَ انه حاله الاغتصاب اللي واجهتها كانت شهر 3 …
لاحول ولا قوه الا بالله …..
أول شي ودي اني اقولها عزيزتي مالج ذنب فاللي صار، والله يشهد قلبي عورني
واعرف هذا الشي مب ممكن تشرح الألم النفسي اللي سببه لها ..
يارب يا اختي الله يبرد على قلبج ويساعدج وريلج يكون عوض عن هالموقف الحزين ..
واقولج ادعي ربج دوم واستعيني بالقرآن .. وخلي ايمانج اقوى من كل شي ..
وبدعيلج بإذن الله من قلبي ..
بخصوص الزواج توكلي على الله ،
وانتي ما كان لج اي ذنب حتى تخافين ..
وحسب علمي " لا مــا بيعــرف "
واذا تبين رايي استري على نفسج ولا تخبرينه ،
خصوصاً انه المجتمع متحفظ وتعرفين الرجل الشرقي وهالامور ..
الخلاصة عزيزتي لا تخافييين ابداً
1) لأنج ما غلطتي
2) لانه رب العالمين بياخذ حقج من هالظالم
3) لأنه الله ما يخلي عباده
4) وانتي عرووووس والف مبروك عليج حبيبتي
بتبدين حياة يديدة وربي يسعدج مع زوجج ويجعله قرة عين لج
آمييييين
اقري الأذكار دوم واقري قرآن بيوم عرسج وصلي مع ريلج
حتى يعم الهدوء والطمئنينة بينكم ويرتاح قلبج
طمنيني علييج ويارب يكون كلامي فيه تخفيف ولو شوي
احسن ترمس المشايخ
وما تخبر الزوج اللي صار صار
يعني يالغالية ناخذها بالعقل حبة حبة …. كيف ماقدرت تقاومه وهو سكران يعني مب في وعيه ؟؟؟؟ اذا هو مب في وعيه بالله اعقليها كيف راح يتوعى الكلام يوم تقوله انها عذراء يقوم يقول لها اوكي ويأتيهامن الدبر ؟؟؟؟؟؟؟
اللهم استرنا فوق الارض واسترنا تحت الارض واسترنا يوم العرض
الله يستر عليها و علينا في الدنيا و الاخرة
تدعي الله يستر عليها دنيااا وآخره ليش خافت تخبر اهلهاا دامهاا هب غلطاانه ..
يارب سترك علينا فالدنياا والاخره ..