حامل مع وقف التنفيذ !!!!!! حقيقة أغرب من الخيال!!!

صباح الخير..

خاطري ابشركم بحملي وانظم لكم في ها المكان نتشارك وحامنا وويعنا وتعبنا في الحمل بس اللي قاعد يستوي لي غريب!

أول شي في موعد الخصوبة خلصت التحليل المنزلي كل يوم سلبي تنكدت ورحت اسوي تصوير قالت الدكتورة ما شي تبويض ها الشهر مالج أمل و أصلا مب كل شهر يستوي تبويض! "حاول مرة أخرى"

بعدها بكم يوم وقبل الدورة المنتظرة ب 10 أيام أو أكثر نزفت ونزل مني خيوط دم وألم فضيع في ظهري قلت أكيد حامل وعقيت!!

رحت دار الشفاء اسوي تحليل الحمل يالدم طلع 15.86 قالوا مبروك حامل بس حمل ايديد مال كم يوم انا قلت ها النزيف والدم أكيد عقيته وما قدرت اصبر بعد 3 أيام رحت الكورنيش حللت وطلع سلبي والقراءة أقل من 2 والتصوير مافيه شي يفسر ها الآلام قالت انتي 100% مب حامل ولا تزعلين إن شاء الله الشهر الياي وسوت لي مسحة وبعدها بيومين اتصلوا الكورنيش قالوا تعالي رحت قالت عندج التهابات وبنعطيج حبوب انتي مب حامل خذيها كورس كامل قلت لها بس بره يطلع حمل ضعيف وانا خايفة قالت اذا ما تبين برايج! ردت ثاني يوم دار الشفاء و حللت وطلع 10 قلت كلامي في محله كنت حامل بس ليش عند الكورنيش ما شي نسبه ابد؟؟؟!!! الله العالم؟ بس آلااااااااااااااااااااااااااااااااااام في ظهري وفي المبايض ما تروح!!!!
وانا اعرف الهرمون ان نزل ها الحمل اخرطي بس قالت دكتورتي في دار الشفاء لا يا ماما ما تحكمين في أول يوم الدورة بنحدد انا اقول لج 50% احتمال حامل! قلت

بس الفضوووووووووووووووووووووووووووووول ذابحني والنتايج خبلت بي والآلام وشهيتي للأكل غير ارقد واااااااااااااااااااايد وراسي ثجيل ويوميا ريوق وغداء وعشاء ورق عنب وكيلو ليمون وماجي عليه وآكل ليمون بقشره و أي شي غيره ان كلته اتلوع!!!!!!!! وطرشت الدريول اييب لي باتشي ابا آكل شي حلو كل يوم وهذي مب عاداتي!!!!

من عقب ما طلع 10 بيوم ونص حللت في مستشفى الشيخ خليفة وطلع 184!!!! قال الدكتور مبروك حامل رحت دار الشفاء ثاني يوم ابا اتأكد طلع 345 في فرق 30 ساعة بينهم قالت الدكتورة ممتاز هذا أكثر من تضاعف كل 48 ساعة انتي أكيد حامل
سويتة في البيت بجهاز كلير بلو ووق المغرب مب بعينة مركزه طلع ايجابي

رحت الكورنيش وديت ها النتايج لاني لازم ابدا مثبتتات وابر مضادة للتخثر لان نسبة التخثر عندي عالية ومعرضة لجلطات شو تتوقعون قالوا؟؟؟؟

لا لا لا انتي مب حامل

وها القراءات ما تفيدنا بشي نحن جهازنا دقيق ووايد حساس ولو انج في بداية حملج كان بين!!!!

بعد جدل ومناقشات قلت لها دار الشفاء قلتوا غلط وقلنا اوكي والحين بعد مكذبين نتايج مستشفى خليفة مصختوها

آخر شي قالت الدكتورة عيدي التحليل بتاريخ 19 و بعدين تاريخ 21 وان طلع ايجابي وتضاعف بنقول حامل سويت الاول وميتة ابا اعرف النتيجة بعد شوي بروح اسوي الثاني وموعدي 2:30 اعرف النتايج مال ال 2

دعوااااااااااااااااااااااااااااااااااااااااااااااا اااااااااااااااااااااتكم حامل

الله عالم اشكثر محتاجة ها الحمل عندي بنت وولد بس بموووووووووووت ابا الثالث لظرووووووووووووف خاصة جدا جدا جدا رغم انه صحتي ما تساعد بتحمل وبجازف بعمري ابا نونو وعيالي يبون.

ان شاء الله العصر ابشركم ولا تواسوني

إن شــــاء الله حامل …والله يرزق كل محروم…

ربي يرزقج ان شاء الله وتبشرينا يارب عاد بتم على اعصابي اترياج تبشرينا
وان شاء الله تكونين حاااااااااامل

يااااااارب تطلعين حامل …. يعني كيف العيادات يقولون حااااامل و الكورنيش يقولون مب حامل …. ما عليج باذن الله انتي حامل .. بشرينا اول ما تطلع النتايج ..

ان شاء الله حامل لو كان الحمل فيه خير لج … مادري ليش خفت عليج ><

الله يرزقج بكل خير

ويرزق الجميع آمين

ان شاء الله تكونين حاااامل