حبيب قلبي يسوي حركات بالوقت الظايع؟؟!!

مرحبا بطاااات و امهاااات

بصراحة مب عارفه كيف ابداا و اخبركم قصتي واايد محتارة

بصرااحة انا باقيلي 10 ايام و بدش التاسع
و من كنت ف الاسبوع 29 حمدلله البيبي خذت وضيعته الصحيحه و نزل
الراس ف الحووض و قالت الدكتورة خلالاص اطمني من هالموضووع

و بصراحه اليوم حسيت انه الحركة خفت او صارت قليله ما اعرف

رحت و قلت لازم افحص و بصراحه انصدمت البيبي تحرك من مكاانه مع انه
كان ثاابت حمدلله و لا في اي توقع انه يلف حتى الدكتورة انصدمت
حمدلله على كل حاال,,,

قالتلي لازم تحاولين انه ينزل قبل التاسع لانه عقب بيكبر و صعب يلف و يتحرك

قالتلي امشي واايد كثري من السجوود عشاان يرجع مكاانه مثل ماكاان

و بصرااحه طلعت ظايجه يعني انا اتهيئ نفسيا عشان الولاده
و حبيب قلبي قاعد يسويلي حركات ف الوقت الظاايع فديت رووحه

حمدلله على كل حاال بس حبيتكم تشاركوني قصتي و اذا في حد مر بنفس التجربه يفيدنا..

اممم جربي اتحبيــن مثل النونو ..

اختي تمت اسبوع تحبي والحمدالله البيبي خذ وضعيــته .. الله يسهل عليييــج ..

الله يسهل عليج ويقومج بالسلامه ان شاءالله

الله يسهل علينا اجمعين ياارب ترى بديت من الحين احبي و امشي لاني صراحة خايفه

تسلمين الغالية الله يسمع منج و ييسر امورنا يا رب اجمعيييييييين

لا تخافين و حبي وايد ,,,و اذا عدالج عرقوب بعد ارقي العرقوب ,,و انا سمعت انه ممكن في الولادة يعدل وضعيتة البي بي

تسلمين الغالية على المرور بس عن سالفت العرقوب ينفع لو اركب الدرج و لا؟